XCHAQʼALIL RU LI RAATIN LI YOS | JUAN 5, 6
Taataqe li Jesus chi anchal aachʼool
Naq li Jesus kixye jun li naʼlebʼ li inkʼaʼ keʼxtaw ru chiʼus ebʼ li xtzolom, wankebʼ inkʼaʼ sa keʼrabʼi ut keʼxkanabʼ xtaqenkil. Eweraq ajwiʼ, li Jesus kixbʼaanu jun li sachbʼachʼoolej re xkʼebʼalebʼ chi waʼak, chi joʼkan kixkʼut naq li xwankil nachalk rikʼin li Yos. Abʼan, kʼaʼut keʼxkanabʼ xtaqenkil? Keʼxtaqe tana yal re rilbʼal kʼaru teʼruuq xtawbʼal. Keʼroybʼeni naq li Jesus tchʼolaninq rehebʼ.
Kʼoxla rix aʼin: «Kʼaʼut nintaqe li Jesus? Ma yal saʼ xkʼabʼaʼ li osobʼtesihom li ninkʼul anaqwan ut li tinkʼul moqon, malaj saʼ xkʼabʼaʼ naq ninra li Jehobʼa ut nawaj xsahobʼresinkil xchʼool?».
Kʼaʼut tooruuq xkanabʼankil li Jehobʼa wi nokookʼanjelak chiru yal saʼ xkʼabʼaʼ naq...
... nawulak chiqu rochbʼeninkilebʼ li hermaan?
... naqaj wank saʼ li chʼinaʼusil naʼajej arin saʼ Ruuchichʼochʼ?