Laj Pablo xkoho Roma

27:23, 24; 28:1, 2, 16, 17

Laj Pablo maajunwa kixkanabʼ puktesink, usta wank chaq saʼ tzʼalam. Naq xkoho Roma, kipuktesink rikʼinebʼ li wankebʼ saʼ li jukubʼ. Naq ak kijukʼeʼk li jukubʼ saʼ li naʼaj Malta, chʼolchʼo naq kiʼaatinak rikʼinebʼ li kixkʼirtasihebʼ chaq chirix li chaabʼil esil li tixkʼam chaq li Xʼawabʼejilal li Yos. Naq ak oxibʼ kutan chik xwulajik Roma, kixchʼutubʼ li xninqal ru aj Judiiy re xkʼutbʼal chiruhebʼ li yaal. Ut, chiru li wiibʼ chihabʼ naq kiwank saʼ tzʼalam saʼ rochoch, kipuktesink rikʼinebʼ li keʼwulak chi rulaʼaninkil.

Kʼaru tatruuq xbʼaanunkil re naq tatpuktesinq usta wanq junaq laachʼaʼajkilal?