QAYUʼAM JOʼ AJ PAABʼANEL
Junelik wanq qakuyum naq tqoybʼeni
Ak jarubʼ chihabʼ yooko roybʼeninkil naq tchalq li Xʼawabʼejilal li Yos? Ma wank qakuyum usta wank qachʼaʼajkilal? (Ro 8:25). Wankebʼ laj paabʼanel xikʼ nekeʼileʼk, nekeʼrahobʼtesiik, nekeʼkʼeheʼk saʼ tzʼalam ut nekeʼyeechiʼiik xkamsinkil. Naabʼalebʼ chik nimebʼ ru xyajel malaj tiixebʼ.
Kʼaru tooxtenqʼa re naq wanq qakuyum maakʼaʼ naxye kʼaru tkʼulmanq? Tento naq wulaj wulaj tqakawresi li qapaabʼal rikʼin rilbʼal ut xkʼoxlankil rix li naxye li Santil Hu, ut tqakʼe qachʼool chirix li qoybʼenihom (2Co 4:16-18; Heb 12:2). Tento tootijoq chiru li Jehobʼa ut tqatzʼaama re, naq tixkʼe qametzʼew rikʼin li xsantil musiqʼej (Lu 11:10, 13; Heb 5:7). Li Qayuwaʼ li nokooxra tooxtenqʼa re naq wanq qakuyum ut sahaq saʼ qachʼool (Col 1:11).
NAQ AK XAAWIL LI BʼIDEO TENTO WANQ QAKUYUM RE AANILAK: KʼOJKʼOOQ QACHʼOOL NAQ TQAKʼUL QAMAATAN, TAASUME EBʼ LI PATZʼOM AʼIN:
Kʼaru li chʼaʼajkilal naru tqakʼul chi maakʼaʼaq saʼ qachʼool? (Ec 9:11).
Chanru nokooxtenqʼa li tijok re xqʼaxbʼal ru ebʼ li chʼaʼajkilal?
Wi inkʼaʼ chik nokooruuk xkʼebʼal re li Jehobʼa joʼ xqabʼaanu chaq junxil, kʼaʼut us naq tqakʼe qachʼool chirix li nokooruuk xbʼaanunkil?
Qakʼehaq qachʼool chirix li maatan.
Kʼaru nakatxtenqʼa re naq chʼolchʼooq chaawu naq taakʼul li maatan?