XCHAQʼALIL RU LI RAATIN LI YOS | APOCALIPSIS 1-3
«Ninnaw laabʼaanuhom»
«Li wuqubʼ chi chahim»: Aʼanebʼ li cheekel winq li yulbʼilebʼ ru ut, wankebʼ ajwiʼ chixjunil li cheekel winq.
«Saʼ xnim uqʼ»: Li chahim wankebʼ tzʼaqal rubʼel xwankil, xmetzʼew ut xjolomil li Jesus. Wi junaq li cheekel winq naʼajmank naq tkʼeheʼq xnaʼlebʼ, li Jesus tixbʼaanu naq tixkʼul saʼ xqʼehil ut joʼ naʼajmank.
«Li wuqubʼ chi xnaʼaj kanteel oor»: Aʼanebʼ li chʼuut rehebʼ laj paabʼanel. Joʼ naq li xnaʼaj li kandeel re li rochoch li Yos naxkutanobʼresi li naʼajej, li chʼuut rehebʼ laj paabʼanel nekeʼkutanobʼresink ajwiʼ, abʼan saʼ li paabʼal (Mt 5:14). Nayeemank naq li Jesus «nabʼeek saʼ xyi» li xnaʼaj li kandeel xbʼaan naq naril li kʼanjel li nabʼaanumank saʼ chixjunil li chʼuut.