4-10 RE MARZO
SALMOS 16, 17
Bʼich 111 ut tijok | Wiibʼ oxibʼ li aatin re xtikibʼankil (1 kʼasal)
1. At Jehobʼa «maaʼani chik junaq chaabʼil wikʼin»
(10 kʼasal)
Kʼajoʼ xchʼinaʼusal naq wankebʼ qamiiw li nekeʼkʼanjelak chiru li Jehobʼa (Sl 16:2, 3, Li Santil Hu, Wycliffe Bible Translators, Wy. Akʼ tzʼiibʼ; w18.12 26 raqal 11).
Qʼaxal us naqekʼa qibʼ rikʼin li rusilal ut li qamiiwil rikʼin li Jehobʼa (Sl 16:5, 6; w14 15/2 29 raqal 3).
Xbʼaan naq li Jehobʼa nokooxkol sa naqekʼa qibʼ saʼ li qapaabʼal (Sl 16:8, 9; bh 116 raqal 5).
Joʼ laj David, wank xyaalal li qayuʼam xbʼaan naq nokookʼanjelak chiru li Jehobʼa xbʼaan naq rikʼin nachalk li chaabʼilal.
KʼOXLA AʼIN: «Chanru xchaabʼiloʼk linyuʼam chalen naq xintikibʼ kʼanjelak chiru li Jehobʼa?».
2. Li tertokil pek
(10 kʼasal)
Sl 17:8, Li Santil Hu, Sociedad Bíblica de Guatemala, SBG. Kʼaru naraj xyeebʼal li aatin «xsaʼ laawu»? (w24.01 27 raqal 6).
Kʼaru li tertokil pek xaataw saʼebʼ li xraqal li Santil Hu re li xamaan aʼin?
3. Xyaabʼasinkil li Santil Hu
(4 kʼasal) Sl 17:1-15 (th tzolom 5).
4. Raatinankil xbʼeen sut
(1 kʼasal) CHIREKABʼLAL. Yeechiʼi li hu re Xnimankil li Xkamik li Jesús (th tzolom 11).
5. Raatinankil xbʼeen sut
(3 kʼasal) CHIREKABʼLAL. Yeechiʼi li hu re Xnimankil li Xkamik li Jesús. Naq li poyanam naxkʼut naq nawulak chiru li esil, oksi ut tzʼil rix li bʼideo Qajultikaq li xkamik li Jesús (th tzolom 9).
6. Raatinankil xbʼeen sut
(2 kʼasal) PUKTESINK YALAQ BʼAR. Yeechiʼi li hu re Xnimankil li Xkamik li Jesús (th tzolom 2).
7. Kʼehok tzolom
(5 kʼasal) lff tzolom 14 xtiklajik ut naʼlebʼ 1-3 (th tzolom 6).
Bʼich 20
8. Qakawresihaq qibʼ choʼq re Xnimankil li Xkamik li Jesús!
(15 kʼasal). Taatzʼil rix rikʼin li chʼuut.
Saʼ li domingo 24 re marzo tqanima li xkamik li Kriist joʼ kixtaqla xbʼaanunkil. Naq li Jesús kixkʼe li xyuʼam saʼ qakʼabʼaʼ naqil wiibʼ li naʼlebʼ li qʼaxal wank xwankil bʼarwiʼ naxkʼutbʼesi li xrahom (Lu 22:19; Jn 3:16; 15:13). Chanru tatruuq xkawresinkil aawibʼ choʼq re li loqʼlaj kutan aʼin?
Tzʼaqonk chi anchal aachʼool saʼ li nimla kʼanjel re xbʼoqbʼalebʼ li kristiʼaan saʼ li loqʼlaj seeraqʼ ut re Xnimankil li Xkamik li Jesús. Tzʼiibʼa li xkʼabʼaʼebʼ li kristiʼaan li twulaq raj chaawu xbʼoqbʼalebʼ. Wi jun rehebʼ moko wank ta saʼ laateep, sikʼ saʼ jw.org li hoonal ut li naʼaj bʼarwiʼ t-uxmanq li wiibʼ chi chʼutam saʼ li teep bʼarwiʼ wank li kristiʼaan.
Kʼe xtzʼaqobʼ laakʼanjel re puktesink saʼ li po marzo ut abril. Ma tatruuq wank joʼ aj kʼamolbʼe saʼ li puktesink li naxkʼe 30 hoor? Saʼebʼ li po aʼan naru taakʼe 15 malaj 30 hoor.
Saʼ li 18 re marzo, tikibʼ xyaabʼasinkil li naʼlebʼ li wank xwankil li kikʼulmank chiru li xamaan li kikamsiik li Jesús. Saʼ li perel waqibʼ ut wuqubʼ taataw ebʼ li naʼlebʼ li taayaabʼasi saʼ li «Xyaabʼasinkil li Santil Hu re Xnimankil li Xkamik li Jesús 2024». Laaʼat yaal aawe bʼar wank taayaabʼasi.
Saʼ li kutan re Xnimankil li Xkamik li Jesús, chaawil saʼ jw.org li bʼideo re xtzʼilbʼal li Santil Hu rajlal kutan choʼq re li Xnimankil li Xkamik li Jesús.
Saʼ li Xnimankil li Xkamik li Jesús chi sa aachʼool kʼulebʼ li xeʼxkanabʼ kʼanjelak chiru li Jehobʼa ut li teʼwulaq xbʼeen sut. Ye rehebʼ naq traqeʼq li chʼutam taasume li naxkʼe xkʼaʼuxebʼ chirix li chʼutam. Kʼe aawibʼ saʼ aatin rikʼinebʼ re naq twulanihebʼ. Chi joʼkan teʼraj xnawbʼal xkomon.
Naq toj maajiʼ nawulak li Xnimankil li Xkamik li Jesús ut naq ak xnumeʼk, naʼlebʼa rix li xkamik li Jesús.
Kʼe li BʼIDEO Qajultikaq li xkamik li Jesús. Moqon taapatzʼ:
Chanru tooruuq roksinkil li bʼideo aʼin saʼ li nimla kʼanjel re Xnimankil li Xkamik li Jesús?
9. Xtzolbʼal li Santil Hu saʼ li chʼuut
(30 kʼasal) bt tzolom 6 raqal 18-24 ut kaaxukuut re li perel 48.