29 RE ABRIL TOJ 5 RE MAYO
SALMOS 34, 35
Bʼich 10 ut tijok | Wiibʼ oxibʼ li aatin re xtikibʼankil (1 kʼasal)
1. «Tinʼusilaatina li Qaawaʼ chi junelik»
(10 kʼasal)
Laj David kixkʼe xloqʼal li Jehobʼa usta yook xnumsinkil nimla chʼaʼajkilal (Sl 34:2; w07 1/3 22 raqal 11).
Laj David naxnima ru li Jehobʼa ut inkʼaʼ naxnima li kʼanjel li naxbʼaanu (Sl 34:3-5; w07 1/3 22 raqal 13).
Naq naxkʼe xloqʼal li Jehobʼa, laj David kixkawresi li xpaabʼal ebʼ li junchʼol (Sl 34:6; w07 1/3 23 raqal 15).
Naq li Jehobʼa ak kixkol laj David saʼ ruqʼ laj Akís, li nakʼabʼaʼiik ajwiʼ aj Abimélec, li 400 chi winq li inkʼaʼ nekeʼxkʼam ribʼ rikʼin laj Saúl keʼxjunaji ribʼ rikʼin laj David saʼ li chaqichʼochʼ (1Sa 22:1, 2). Maare laj David yook xkʼoxlankilebʼ naq kixtzʼiibʼa li salmo aʼin (Sl 34).
KʼOXLA AʼIN: «Naq tinʼaatinaq rikʼin anihaq saʼ li jun chik chʼutam, kʼaru naru tinye re xkʼebʼal xloqʼal li Jehobʼa?».
2. Li tertokil pek
(10 kʼasal)
Sl 35:19. Kʼaru kiraj xyeebʼal laj David naq kixpatzʼ re li Jehobʼa naq li xikʼ nekeʼilok re inkʼaʼ teʼxmutzʼ rix ru chiru? (w06 15/5 20 raqal 2).
Kʼaru li tertokil pek xaataw saʼebʼ li xraqal li Santil Hu re li xamaan aʼin?
3. Xyaabʼasinkil li Santil Hu
(4 kʼasal) Sl 34:1-22 (th tzolom 5).
4. Raatinankil xbʼeen sut
(2 kʼasal) PUKTESINK YALAQ BʼAR. Li aatinak naraqeʼk naq toj maajiʼ nakat-aatinak chirix li Santil Hu (lmd tzolom 1 naʼlebʼ 4).
5. Ulaʼanihebʼ wiʼ chik
(4 kʼasal) PUKTESINK YALAQ BʼAR. (lmd tzolom 2 naʼlebʼ 4).
6. Chʼolobʼ laapaabʼal
(5 kʼasal) Kʼutbʼesink. ijwfq 59. Naʼlebʼ: Chanru nekeʼxnaw ebʼ laj testiiw re li Jehobʼa kʼaru li ninqʼe inkʼaʼ naxkʼulubʼa li Jehobʼa? (th tzolom 17).
Bʼich 29
7. Oxibʼ li naʼlebʼ re xkʼebʼal xloqʼal li Jehobʼa saʼebʼ li chʼutam
(15 kʼasal). Taatzʼil rix rikʼin li chʼuut.
Ebʼ li chʼutam naxkʼe qahoonal re xkʼebʼal xloqʼal li Jehobʼa. Qilaq oxibʼ li naʼlebʼ re xbʼaanunkil.
Naq tooseeraqʼiq: Naq tooʼaatinaq rikʼinebʼ li junchʼol qayeehaq rehebʼ li xchaabʼilal li Jehobʼa (Sl 145:1, 7). Ma xqil malaj xqabʼi junaq li naʼlebʼ li xooxtenqʼa? Ma wank junaq li chaabʼil naʼlebʼ xqakʼul saʼ li puktesink? Ma xwaklesi qachʼool li kixye malaj li kixbʼaanu anihaq? Ma wank kʼaru xwulak chiqu chirix li yobʼtesihom? Chixjunil aʼin, aʼan xmaatan li Jehobʼa (Snt 1:17). Wanq qahoonal re aatinak chirix aʼin wi toowulaq naq toj maajiʼ natiklaak li chʼutam.
Naq toosumenq: Qayalaq qaqʼe re sumenk junsutaq saʼ li chʼutam (Sl 26:12). Naru tqaye xsumenkil li patzʼom malaj xchʼolobʼankil junaq chik li naʼlebʼ, jun raqal re li Santil Hu, li jalam u malaj junaq li naʼlebʼ li tkʼanjelaq chiqu. Jwal us naq tqakawresi wiibʼ oxibʼ li sumenk xbʼaan naq maare naabʼal teʼraj tzʼaqonk saʼ li hoonal aʼan. Qajultikaq wi li qasumenk inkʼaʼ naxqʼax 30 kʼajkʼasal naru naq ebʼ li junchʼol teʼtzʼaqonq re xkʼebʼal «li mayej li naqakʼe re li Yos» (Heb 13:15).
Naq toobʼichanq: Qabʼichaq chi anchal qachʼool ebʼ li bʼich chirix li Xʼawabʼejilal li Yos (Sl 147:1). Maare inkʼaʼ teʼxkʼe qe junaq li sumenk xbʼaan naq naabʼalebʼ nekeʼtzʼaqonk saʼ li chʼuut abʼan naru nokootzʼaqonk rikʼin bʼichank. Usta choʼq qe inkʼaʼ naqabʼaanu chiʼus, li Jehobʼa sa xchʼool xbʼaan naq yooko chi bʼichank chi anchal qachʼool (2Co 8:12). Abʼan, jwal us naq tqakawresi qibʼ saʼ ochoch.
Kʼe li BʼIDEO Li xkʼulmank chaq junxil: Ebʼ li bʼich li naxkʼe xloqʼal li Jehobʼa (tasal 1). Moqon taapatzʼ:
Chanru naqakʼutbʼesi chalen naq xtiklaak li qamolam naq jwal wank xwankil choʼq qe xkʼebʼal xloqʼal li Jehobʼa rikʼin li qabʼich?
8. Xtzolbʼal li Santil Hu saʼ li chʼuut
(30 kʼasal) bt tzolom 9 raqal 1-7, xtiklajik li tasal 3 ut kaaxukuut re li perel 70.