Naru taataw aachaabʼil naʼlebʼ
«Chixjunil li Santil Hu aʼan musiqʼanbʼil xbʼaan li Yos» (2 Timoteo 3:16). Saʼ li raqal aʼin li aatin musiqʼanbʼil naraj xyeebʼal naq li Nimajwal Yos kixkʼe li naxkʼoxla saʼebʼ li xkʼaʼuxl ebʼ li winq li xeʼtzʼiibʼank re li Santil Hu.
Li Yos naraj naq taataw rusilal rikʼin li xchoxahil naʼlebʼ
«Laaʼin li Qaawaʼ, laaYos; laaʼin ninkʼut chawu li kʼaru us choʼq aawe ut nakatinbʼeres saʼ li bʼe tento taakʼam. Jwal us raj naq xapaabʼ linchaqʼrabʼ! Li xsahil aachʼool qʼaxal yo raj chi kʼiik joʼ junaq nimaʼ, ut laawosobʼtesinkil joʼ raj xnimal li xkawil roq li palaw» (ISAÍAS 48:17, 18).
Naru nakaakʼoxla naq ebʼ li aatin aʼin aʼan jun bʼoqom li naxkʼe aawe li Yos. Li Yos naru aatenqʼankil re naq tuqtuuq ut sahaq aachʼool.
Naru taataw li xchoxahil naʼlebʼ li Yos
«Tento [...] taapuktesimanq li Chaabʼil Esilal saʼatqebʼ chixjunil li tenamit» (MARCOS 13:10).
Li chaabʼil esil li naxyeechiʼi qe li Jehobʼa Yos aʼan naq chi seebʼ tixsach li rahilal, tixchʼinaʼusa li Ruuchichʼochʼ ut tixwaklesi wiʼ chik chi yoʼyo ebʼ li qakomon ut ebʼ li qamiiw li ak xeʼkamk. Ebʼ laj testiiw re li Jehobʼa yookebʼ chi xwotzbʼal li chaabʼil esil chirix li Santil Hu saʼ chixjunil li Ruuchichʼochʼ.