Chalen Chaq li Bʼutʼihaʼ Toj saʼ Xkamikebʼ laj Egipto

Kaʼajwiʼ laj Noe ut li xjunkabʼal keʼkoleʼk saʼ li bʼutʼihaʼ. Abʼan saʼ xnumikebʼ ru li chihabʼ keʼtamk li qas qiitzʼin. Ak 352 chihabʼ xnumik li bʼutʼihaʼ naq kiyoʼlaak laj Abrahan. Saʼ li tasal aʼin tqatzol, chanru naq li Yos kixkʼe laj Isaac choʼq ralal laj Abrahan. Laj Isaac kiwank wiibʼ ralal, jun rehebʼ li ralal xkʼabʼaʼ Jacob ut aʼan kisikʼeʼk ru xbʼaan li Yos.

Nim li xjunkabʼal laj Jacob. Kiwank ebʼ li xrabʼin ut 12 li ralal. Lajeebʼ rehebʼ li ralal laj Jacob xikʼ keʼril laj Jose ut keʼxkʼayi rikʼinebʼ laj Egipto. Kiwank xwankil laj Jose saʼ li tenamit Egipto. Naq kichalk li weʼej, laj Jose kixyalebʼ rix li ras. Tojaʼ naq li xjunkabʼal laj Jacob ut chixjunilebʼ laj Israel kohebʼ Egipto. Ak 290 chihabʼ xyoʼlajik laj Abrahan naq kikʼulmank aʼin.

Ebʼ laj Israel keʼwank 215 chihabʼ saʼ li tenamit Egipto. Naq kikamk laj Jose, ebʼ laj Israel keʼkanaak choʼq moos saʼ li tenamit aʼin. Moqon chik, kiyoʼlaak laj Moises. Aʼan kitaqlaak xbʼaan li Yos chi risinkilebʼ laj Israel saʼ li tenamit Egipto. Chixjunil li naxchʼolobʼ li XKABʼ Tasal li hu aʼin, kikʼulmank chaq chiru 857 chihabʼ.