Ani xyoobʼtesink aawe?

1 Li Yos kixyiibʼ li choxa ut li Ruuchichʼochʼ.—Génesis 1:1

2 Li Yos wank li xkʼabʼaʼ. Li xkʼabʼaʼ aʼan Jehobʼa. —Exodo 6:3, Exodo en Kʼekchiʼ; Salmo 83:18, NM

Li Jehobʼa wank saʼ choxa. Aʼan jun musiqʼej. Inkʼaʼ naru naqil ru. —Isaías 66:1; Juan 1:18; 4:24

3 Li Jehobʼa li Yos kixyoobʼtesihebʼ chaq naabʼal chi anjel saʼ choxa. Aʼanebʼ musiqʼej ajwiʼ. Junxil chixjunilebʼ chaabʼilebʼ. Najter qʼe kutan, naabʼal sut keʼtibʼeloʼ re naq teʼileqʼ ru xbʼaanebʼ li poyanam. —Hebreos 1:7

4 Li Jehobʼa kixyoobʼtesihebʼ li xul najter qʼe kutan, junxil chiru li winq.—Génesis 1:25

5 Li Jehobʼa kixyoobʼtesi ajwiʼ jun winq aj Adan xkʼabʼaʼ ut li rixaqil xEva xkʼabʼaʼ. —Génesis 1:27

Li Yos kixkʼehebʼ saʼ jun chʼinaʼusil naʼajej, malaj sahilal naʼajej. Kixyoobʼtesi jun chi ixaqilbʼej choʼq re laj Adan. Li winq tkanaaq rikʼin jun chi rixaqil. —Génesis 2:8, 21, 22, 24

6 Li winq aʼan jun aanm. —Génesis 2:7, NM

7 Ebʼ li xul aʼanebʼ aanm. —Génesis 1:24, NM