TASAL 8

Kʼaʼut kikamk li Jesus saʼ qakʼabʼaʼ?

Li Jesus kikamk saʼ qakʼabʼaʼ re naq twanq qayuʼam (Juan 3:16)

Ebʼ li ixq nekeʼril naq maakʼaʼ chik xsaʼ li naʼaj bʼarwiʼ xmuqmank li Jesus

Oxibʼ kutan xkamik li Jesus naq ebʼ li ixq koleʼxsikʼ saʼ li naʼaj bʼarwiʼ kimuqmank ut inkʼaʼ chik keʼxtaw. Jun li anjel kixye rehebʼ naq li Yos kiwaklesink re chi yoʼyo.

Li Jesus naxkʼut ribʼ chiruhebʼ li Xʼapostol, ut chirix chik aʼan nataqeʼk saʼ choxa

Li Jesus kixkʼut ribʼ chiruhebʼ li xtzolom.

Li Jehobʼa kixwaklesi li Jesus saʼ musiqʼej ut kixbʼaanu naq maajunwa chik tkamq. Ebʼ li xtzolom keʼril naq xko saʼ choxa.

Li Yos kixwaklesi chi yoʼyo li Jesus ut kixkʼe choʼq awabʼej (Daniel 7:13, 14)

Saʼ li xkʼojaribʼaal wank li Jesus naq naxjolomi ebʼ li poyanam saʼ li chʼinaʼusil naʼajej arin saʼ Ruuchichʼochʼ

Li Jesus kixkʼe li xyuʼam re xkolbʼal li ruuchichʼochʼ (Mateo 20:28). Saʼ xkʼabʼaʼ li Jesus naru tqataw qayuʼam chi junelik.

Li Jehobʼa kixxaqabʼ li Jesus re naq t-awabʼejinq saʼ xbʼeen li Ruuchichʼochʼ. Ut 144.000 teʼwakliiq wiʼ chik chi yoʼyo re naq teʼawabʼejinq saʼ choxa rikʼin li Jesus saʼ li Xʼawabʼejilal li Yos (Apocalipsis 14:1-3).

Kʼajoʼaq xchʼinaʼusal li Ruuchichʼochʼ naq li Xnimajwal Awabʼejilal li Yos yooq chi awabʼejink; maakʼaʼaq chik li yalok u, li kamsink, li weʼej ut li nebʼaʼil. Sahaqebʼ chik saʼ xchʼool li qas qiitzʼin (Salmo 145:16).