Li awabʼejilal li tixjolomi chixjunil

Chi seebʼ jun li awabʼejilal tixjolomi li Ruuchichʼochʼ. Ma nakaawaj xnawbʼal aʼin?... Aʼan li Xʼawabʼejilal li Yos. Ut aʼan tixchʼinaʼusa chixjunil li Ruuchichʼochʼ re naq toowanq chisaʼ. Ma taawaj xnawbʼal chirix li awabʼejilal aʼin?...

Saʼebʼ li awabʼejilal wank jun li awabʼej. Li awabʼej aʼin naxjolomi jun li awabʼejilal. Wank ajwiʼ jun li awabʼej saʼ li Xʼawabʼejilal li Yos. Ma nakaanaw ani aʼan?... Aʼ li Jesus ut aʼan wank saʼ choxa. Chi seebʼ tixjolomi chixjunil. Abʼan, ma tixnaw awabʼejink? Ma sahaq saʼ qachʼool naq tixjolomi li Ruuchichʼochʼ?...

Heeheʼ! Naq tchʼinaʼusoʼq li Ruuchichʼochʼ maakʼaʼaq chik li yalok u ut maaʼani chik tpleetiq. Maaʼani chik tyajerq chi moko tkamq. Li inkʼaʼ nekeʼilok, teʼiloq, ut li inkʼaʼ nekeʼabʼink, teʼabʼinq. Li inkʼaʼ nekeʼbʼeek, teʼaanilaq ut teʼpiskʼoq. Chixjunilebʼ sa chik teʼwaʼaq. Ebʼ li xul teʼwanq ajwiʼ saʼ tuqtuukilal, ut toobʼatzʼunq rikʼinebʼ. Joʼkan ajwiʼ, naabʼalebʼ li kamenaq teʼwanq wiʼ chik xyuʼam. Aʼin naraj xyeebʼal naq li xRebeca, li xRahab, laj David, laj Elias ut naabʼalebʼ chik, teʼwanq xyuʼam. Peʼyaal naq twulaq raj chaawu xnawbʼalebʼ ru?...

Li Jehobʼa nakatxra ut naraj naq sahaq saʼ laachʼool. Tzolon chirix ut paabʼ li naxkʼut chaawu. Wi taabʼaanu aʼin, tatwanq chi junelik saʼ jun li chʼinaʼusil naʼajej arin saʼ Ruuchichʼochʼ. Ma twulaq raj chaawu wank aran?...