Xtiklajik li tasal 7

Li tasal aʼin naʼaatinak chirix li xyuʼam li awabʼej Saul ut li awabʼej David, ut naxchap tana 80 chihabʼ. Saʼ xtiklajik, laj Saul inkʼaʼ naxnima ribʼ ut naʼabʼink chiru li Yos. Abʼan moko naabʼal ta kinumeʼk naq kixjal xnaʼlebʼ ut inkʼaʼ chik kiraj naq li Jehobʼa tkʼutuq xbʼe. Joʼkan naq, li Jehobʼa kitzʼeqtaanank re ajwiʼ, ut kixye re laj Samuel naq tixyul rikʼin aseeyt laj David re naq tkanaaq choʼq awabʼej re Israel. Laj Saul naxkaqali laj David ut naabʼal sut kixyal xkamsinkil. Usta joʼkan, maajunwa kixkʼe reqaj. Laj Jonatan, ralal laj Saul, naxnaw naq li Jehobʼa kisikʼok ru laj David, joʼkan naq maajunwa kixkanabʼ xjunes. Usta laj David moqon kimaakobʼk chiru li Yos, junelik kixkʼulubʼa li xqʼusbʼal rikʼin li Jehobʼa. Wi wank aakokʼal, tenqʼahebʼ chi rilbʼal naq aajel ru xkʼulubʼankil li naxye li Yos.