BʼICH 111
Li xyaalal li xsahil qachʼool
1. Xyaalal li xsahil li qachʼool wank,
ut yook chi numtaak anaqwan.
Naabʼal xeʼbʼoqeʼk xbʼaan li Yos ut
yookebʼ chi okenk saʼ xmolam.
Li xxeʼ li sahil chʼoolejil wank
chisaʼ li raatin li Jehobʼa,
rajlal naxbʼeres qayuʼam ut
jwal naxkawresi qapaabʼal.
Chanchan li ruxaml saʼ qachʼool li
sahil chʼoolejil naxamnak,
usta chi rajlal tyaleʼq qix
li Yos tooxtenqʼa chi xkuybʼal.
(XYEEBʼAL WIʼ CHIK)
Kʼajoʼ nasahoʼk saʼ qachʼool
chi wank choʼq ramiiw li Qayos!
Jwal nim li xnawom ut li xbʼaanuhom
rikʼin wank li qoybʼenihom.
2. Sachso nakanaak li qachʼool chi
rilbʼal li kixyiibʼ li Jehobʼa.
Aʼ li Ruuchichʼochʼ ut choxa li
yookebʼ xnimankil li xkʼabʼaʼ.
Chʼolchʼo naq li Yos kixxaqabʼ ut
kixkʼubʼ li Xʼawabʼejilal.
Naqapuktesi li resil saʼ
jalan jalanq aatinobʼaal.
Chi seebʼ tsahoʼq li qachʼool naq
li Yos tixbʼaanu li rajom,
ut li qayuʼam tnajtoʼq roq
arin saʼ li akʼ ruuchichʼochʼ.
(XYEEBʼAL WIʼ CHIK)
Kʼajoʼ nasahoʼk saʼ qachʼool
chi wank choʼq ramiiw li Qayos!
Jwal nim li xnawom ut li xbʼaanuhom
rikʼin wank li qoybʼenihom.
(Chaawil ajwiʼ Deut. 16:15; Is. 12:6; Juan 15:11).