BʼICH 117
Qakʼutbʼesihaq li chaabʼilal
(2 Crónicas 6:41)
1. Naqabʼanyoxi aawe Yos,
chixjunil laachaabʼilal.
Chixjunil aabʼaanuhom
naxkʼutbʼesi laawusilal.
Nakaawuxtaana ruhebʼ li
qas qiitzʼin ut tiik laachʼool.
Aakʼulubʼ naq tqaloqʼoni
aawu, Jehobʼa Qayos!
2. Nakʼutunk laachaabʼilal naq
nokookʼanjelak chaawu.
Naqakʼe qachʼool rajlal chi
puktesink ut chi kʼutuk.
Rikʼinebʼ li cheekel winq
naqil laachaabʼilal ajwiʼ
naq nokooʼeʼxkʼaakʼale ut
naq nokooʼeʼxbʼeresi.
3. Chaawosobʼtesi taxaq Yos,
li naqabʼaanu rajlal
re naq tqatenqʼahebʼ
chixjunilebʼ li qahermaan.
Yalaq bʼar saʼ li junjunq chi
tenamit ut kʼalebʼaal
chaabʼilaq li qanaʼlebʼ
joʼ nakaakʼut chiqu, Jehobʼa.
(Chaawil ajwiʼ Sal. 103:10; Mar. 10:18; Gál. 5:22; Efes. 5:9).