Matrechani laaxiw

Li kixbʼaanu li Jesús

BʼIDEO: Li Jesús naxkʼe chi naweʼk li yaal re laj Zaqueo

1. Taawil li BʼIDEO malaj taayaabʼasi Lucas 19:​1-7. Chirix chik aʼan taatzʼil rix ebʼ li patzʼom aʼin:

1. Kʼaʼut naq wankebʼ li qas qiitzʼin inkʼaʼ nekeʼraj raatinankil laj Zaqueo?

2. Usta joʼkan, kʼaru kiʼekʼasink re li Jesús chi xyeebʼal li yaal re laj Zaqueo?

Kʼaru naqatzol rikʼin li Jesús?

2. Naʼajmank naq inkʼaʼ toorechani li qaxiw re naq tooruuq xyeebʼal li yaal re chixjunilebʼ li qas qiitzʼin.

Kʼam aawe rikʼin li Jesús

3. Kʼojobʼ aachʼool rikʼin li Jehobʼa. Li xsantil musiqʼej li Yos kixkʼe xmetzʼew li Jesús re naq tixkʼe chi naweʼk li yaal ut naru ajwiʼ naxkʼe aametzʼew laaʼat (Mat. 10:​19, 20; Luc. 4:18). Tzʼaama re li Jehobʼa naq tatxtenqʼa chi raatinankilebʼ li qas qiitzʼin li maare nekeʼxkʼe aaxiw (Hech. 4:29).

4. Maatzʼeqtaanahebʼ li qas qiitzʼin. Wank sut nachʼaʼajkoʼk chiqu jilok rikʼinebʼ li qas qiitzʼin xbʼaanebʼ li xwanjik, ebʼ li xtzolbʼal, ebʼ li xbʼihomal malaj xbʼaanebʼ li xpaabʼal. Abʼan jultikoʼq aawe:

1. Li Jehobʼa ut li Jesús naru nekeʼril li wank saʼ li qachʼool; abʼan laaʼo inkʼaʼ naru naqabʼaanu aʼin.

2. Chixjunilebʼ naru nekeʼxtaw li ruxtaan li Jehobʼa.

5. Maakanabʼ naq tatrechani laaxiw ut weent taabʼaanu (Mat. 10:16). Aatinan saʼ xyaalal ut matpleetik rikʼin. Wi li qas qiitzʼin inkʼaʼ naraj rabʼinkil li esil malaj naxkʼe aaxiw, raq ru saʼ xyaalal li yookat xyeebʼal ut ayu (Prov. 17:14).