Kʼaru naxkʼoxla li Yos chirix li rahilal li wank saʼ ruuchichʼochʼ?
Wankebʼ li kristiʼaan nekeʼxkʼoxla naq inkʼaʼ naril ut inkʼaʼ naxkʼe xchʼool chirix.
KʼOXLA LI NAXYE LI SANTIL HU
Li Yos naril ut naxkʼe xchʼool chiqix.
«Kiril li Qaawaʼ naq li xmaaʼusilalebʼ li winq yo chi numtaak saʼ ruuchichʼochʼ ut [...] ra kireekʼa li Qaawaʼ» (Génesis 6:5, 6).
Li Yos tixsach li rahilal.
«Saʼ jun chʼina kʼamok maakʼaʼaqebʼ chik li inkʼaʼ usebʼ xnaʼlebʼ; us ta taasikʼebʼ saʼ li xnaʼajebʼ, abʼan maabʼar chik taatawebʼ. Aʼut ebʼ li nebʼaʼ teʼreechani li chaabʼil naʼajej [“li Ruuchichʼochʼ”, TNM]. Kʼajoʼ xnimal li tuqtuukil usilal teʼxyal chi junelik!» (Salmo 37:10, 11).
Kʼaru naraj li Yos choʼq aawe?
«Laaʼin wank saʼ inchʼool kʼaru tinbʼaanu choʼq eere: twaj texwanq saʼ tuqtuukilal ut inkʼaʼ saʼ rahilal, re naq toxeetaw xsahil eechʼool chi junelik. Laaʼin, li Qaawaʼ, ninyehok re aʼin. Tojaʼ naq teepatzʼ linkʼabʼaʼ, tulextijoq chiwu, ut laaʼin texwabʼi» (Jeremías 29:11, 12).
«Jilonqex chi xkʼatq li Yos, ut aʼan taajiloq chekʼatq» (Santiago 4:8).