«Tinkʼul Laahu wi Nakaakʼul li We»

Wankebʼ li poyanam inkʼaʼ nekeʼxkʼul ebʼ li qatasal hu wi inkʼaʼ naqakʼul li rehebʼ. Saʼ xkʼabʼaʼ naq naabʼal rehebʼ li tasal hu inkʼaʼ nekeʼxkʼut li yaal chirix li Santil Hu, moko us ta naq tqakʼulebʼ li xhu. Abʼan, kʼaru tqaye rehebʼ re naq inkʼaʼ tqasumehebʼ chi kaw? (Rom. 1:25.) Naru nakaaye aʼin: «Jwal chaabʼil laachʼool, abʼan, chirix kʼaru naʼaatinak? Kʼaru naxye chirix chanru xtuqubʼankil chixjunil li chʼaʼajkilal li wank saʼ xbʼeen li Ruuchichʼochʼ? [Kanabʼ naq tsumenq. Wi tixye aawe naq taawil saʼ li xhu re naq taataw xsumenkil laapatzʼom, taaye re, naq laaʼat inkʼaʼ xaayeechiʼi li tasal hu re, naq toj maajiʼ nakaachʼolobʼ chiru chirix kʼaru naʼaatinak. Taayaabʼasi re kʼaru naxye saʼ Mateo 6:9, 10 malaj yal taaye re chirix kʼaru naʼaatinak li raqal.] Joʼ naxchʼolobʼ ebʼ li raqal aʼin, li Jesus kixkʼut naq li Yos troksi li Xʼawabʼejilal arin saʼ Ruuchichʼochʼ re xbʼaanunkil li Rajom. Joʼkan naq, laaʼin nawil kaʼajwiʼ ebʼ li hu li nekeʼaatinak chirix li Xʼawabʼejilal li Yos. Ma naru tinkʼut chaawu rikʼin li Santil Hu kʼaru truuq xbʼaanunkil li Awabʼejilal aʼin?».