Wiibʼ Oxibʼ li Naʼlebʼ
Resil li Xʼawabʼejilal li Yos ajl 38
«Yookin chi tzʼaqonk saʼ jun li nimla kʼanjel li yook chi bʼaanumank saʼ chixjunil li Ruuchichʼochʼ re xjekʼinkil jun li chaabʼil naʼlebʼ. Joʼkan naq aawe li hu aʼin.»
Kʼe Reetal: Re naq tooruuq xsutbʼal chixjunil li teep, inkʼaʼ toobʼayq chi xjekʼinkil li hu. Abʼan wi junaq li poyanam traj rabʼinkil xkomon li naʼlebʼ, naru nakaapatzʼ re, kʼaru nakaakʼoxla chirix li naʼlebʼ li wank saʼ xjolomil li hu aʼin, taayaabʼasi Hechos 24:15 li wank chisaʼ li hu ut wi toj wank li hoonal naru nakaaye wiibʼ oxibʼ chik li naʼlebʼ. Ut re xraqbʼal ru li seeraqʼ, naru nakaabʼaanu re li patzʼom li wank toj chirix li hu: «Kʼaʼut nokootixk ut nokookamk?» ut chirix chik aʼan taaye re joqʼe tatsutqʼiiq rikʼin.
La Atalaya 1 re Noviembre
«Wankebʼ li poyanam inkʼaʼ nekeʼxpaabʼ re li Yos xbʼaan naq yeebʼil re li tikʼtiʼ chirix. Bʼar wank rehebʼ li tikʼtiʼ yeebʼil chirix li Yos? [Kanabʼ naq tsumenq.] Li Santil Hu naxye naq li Yos naraj naq tqara ut naq tqapaabʼ re. [Taayaabʼasi Isaias 41:13.] Li tasal hu aʼin naxchʼolobʼ oxibʼ rehebʼ li nimla tikʼtiʼ li naxbʼaanu naq wankebʼ inkʼaʼ nekeʼjilok chixkʼatq li Yos.»
¡Despertad! Noviembre
«Wankeb ʼ li qas qiitzʼin nekeʼxkʼoxla naq moko naabʼalebʼ ta chik nekeʼxyuʼami li chaabʼil naʼlebʼ. Ut laaʼat, ma nakaakʼe reetal aʼin? [Kanabʼ naq tsumenq.] Li Santil Hu ak kixye chaq naq ebʼ li poyanam teʼnumtaaq xmaaʼusilalebʼ. [Taayaabʼasi 2 Timoteo 3:1-5.] Li tasal hu aʼin naxchʼolobʼ naq xyuʼaminkil li chaabʼil naʼlebʼ li naxkʼe li Santil Hu naxkʼe li sahil chʼoolejil.»