Ebʼ li Naʼlebʼ li Tooxtenqʼa chi Xbʼaanunkil Chiʼus li Qakʼanjel Chiru li Yos
1. Saʼ li tzolom «Conversaciones con un testigo de Jehová» wank wiibʼ li rajom, bʼar wank aʼin?
1 Saʼ li tasal hu La Atalaya rajlal sut natawmank li tzolom «Conversaciones con un testigo de Jehová». Li naʼlebʼ aʼin wank wiibʼ li rajom. Li xbʼeen: chanru tooruuq xkʼutbʼal li yaal chirix li Santil Hu. Ut li xkabʼ: chanru tqachʼolobʼ saʼ tuulanil junaq li naʼlebʼ (1 Ped. 3:15). Qilaq, chanru tooruuq roksinkil chiʼus ebʼ li naʼlebʼ aʼin?
2. Chanru tooruuq roksinkil jun rehebʼ li tzolom aʼin saʼ li puktesink?
2 Nakʼanjelak saʼ li Puktesink. Us raj xxokbʼal ebʼ li tzolom aʼin li nachalk saʼebʼ li tasal hu La Atalaya. Maare naq yooqo chi puktesink tqataw junaq li qas qiitzʼin malaj junaq li qatzolom li traj xnawbʼal jun rehebʼ li patzʼom li wank saʼ li tzolom aʼin naru naqakanabʼ re li tzolom aʼin, ut wi naraj, naru tqatzʼil rochbʼeen. Ut wi maakʼaʼ qikʼin li tzolom aʼin, naru naqasikʼ saʼ jw.org.
3. Chanru tooruuq xchʼolobʼankil jun rehebʼ li tzolom li nekeʼchalk saʼ li tasal hu La Atalaya?
3 Ut chanru tooruuq xchʼolobʼankil jun rehebʼ li tzolom aʼin? Wankebʼ laj puktesinel nekeʼxyaabʼasi chi kaw kuxej li raatin laj Testiiw ut nekeʼxye re li qas qiitzʼin naq tixyaabʼasi li naxye li jun chik poyanam. Aʼin jun rehebʼ li naʼlebʼ li naʼoksimank re xchʼolobʼankil li qapaabʼal. Chaabʼil xbʼaanunkil aʼin xbʼaan naq ebʼ li poyanam nekeʼwulak chiru (Deut. 32:2).
4. Kʼaru tqatzol chirix li naʼlebʼ aʼin?
4 Nakʼanjelak re Tzolok ut Kʼutuk. Naq yooqo xyaabʼasinkil li tzolom, qakʼehaq reetal ebʼ li raqal li Santil Hu, ebʼ li eetalil, chanru nachʼolobʼank laj puktesinel ut chanru xyaabʼ xkux. Chirix chik aʼan qakʼehaq qachʼool chi xkʼambʼal qe rikʼin saʼ li puktesink (Prov. 1:5; 9:9). Jun li hermaan ixq, kixye: «Naq naqil xsaʼ ebʼ li tzolom aʼin chanchan tawiʼ yooko rilbʼal jun rehebʼ laj puktesinel li nekeʼkʼamok bʼe saʼ li puktesink xbʼaan naq nekeʼxnaw xsumenkil yalaq kʼaru chi patzʼom».
5. Kʼaru tooruuq xbʼaanunkil wi naqaj xkawresinkil ebʼ li qatzolom saʼ li puktesink?
5 Laaʼo tooruuq roksinkil ebʼ li naʼlebʼ aʼin re xkawresinkil ebʼ li qatzolom saʼ li puktesink. Naru tqayaabʼasi rochbʼeen ut tqaye re, naq aʼan tixyaabʼasi li raatin laj puktesinel. Ut chi joʼkan teʼxkʼe reetal naq moko chʼaʼaj ta xchʼolobʼankil li qapaabʼal saʼ tuulanil (Col. 4:6). Ut aʼin jun rehebʼ li naʼlebʼ li naxkʼe qe li Jehobʼa re naq tooruuq xbʼaanunkil chi tzʼaqal re ru li qakʼanjel chiru (2 Tim. 4:5).