Wiibʼ oxibʼ li naʼlebʼ

Bʼar tqataw xsumenkil ebʼ li xninqal ru patzʼom chirix li qayuʼam?

Taakʼe li tratado re li qas qiitzʼin re naq tril chirix kʼaru naʼaatinak li hu aʼin, ut chirix chik aʼan taaye: «Ma sa laachʼool? Yookin chi tzʼaqonk saʼ jun li nimla kʼanjel li yook chi bʼaanumank saʼ chixjunil li Ruuchichʼochʼ re xjekʼinkil jun li chaabʼil esil. Li hu aʼin choʼq aawe».

Wi taakanabʼ li hu aʼin saʼebʼ li ochoch bʼarwiʼ maakʼaʼ kristiʼaan, maakanabʼ chi kutankil chi moko taabʼas chixjunil.

Wi junaq li qas qiitzʼin nawulak chiru li tratado malaj naraj xnawbʼal xkomon li naʼlebʼ, naru nakaapatzʼ re kʼaru naxkʼoxla chirix li patzʼom li wank saʼ li xbʼeen perel. Taate xsaʼ li tratado ut taaye re kʼaru naxye saʼ Juan 17:17. Taachʼolobʼ chiru naq li tratado naʼaatinak chirix jun li naʼaj saʼ Internet li ttenqʼanq re chi xtawbʼal saʼ li Santil Hu li xsumenkil ebʼ li xpatzʼom. Wi naruhank, naru nakaakʼe chi ril li bʼideo Kʼaʼut Us naq Tattzoloq Chirix li Santil Hu? Ut re xraqbʼal, taakʼut chiru li oxibʼ chi patzʼom li wank saʼ xraqik li perel ut taapatzʼ re bʼar wank rehebʼ li patzʼom nawulak chiru. Ut taayeechiʼi aawibʼ re tatsutqʼiiq rikʼin re naq taatenqʼa chi xtawbʼal chanru naxsume li Santil Hu ebʼ li patzʼom aʼin saʼ jw.org/kek. Naq tatsutqʼiiq, taasikʼ li patzʼom bʼarwiʼ naxye JALAN JALANQ LI TASAL HU > TASAL HU UT FOLLETO.

La Atalaya 1 re Agosto

Chiruhebʼ li Sabado ut li Domingo wi tixkʼe ribʼ chaawu, taayeechiʼi li tasal hu La Atalaya, ut taaye: «Nawaj ajwiʼ xkʼeebʼal aawe ebʼ li tasal hu re li po aʼin. Li tasal hu La Atalaya naxsume li patzʼom: Ma nakatxkʼoxla tawiʼ li Yos?».

¡Despertad! Agosto

Chiruhebʼ li Sabado ut li Domingo, wi tixkʼe ribʼ chaawu, taayeechiʼi li tasal hu ¡Despertad!, ut taaye: «Nawaj ajwiʼ xkʼeebʼal aawe ebʼ li tasal hu re li po aʼin. Li tasal hu ¡Despertad! naxsume li patzʼom: Chanru toowanq wiʼ chik saʼ usilal rikʼinebʼ li komonil».