Tzol chiʼus li puktesink, kʼut chiruhebʼ li tzolom chanru teʼxtzol ribʼ xjunes

Kʼaʼut aajel ru xbʼaanunkil. Re naq tkawuuq li xpaabʼalebʼ, naʼajmank naq ebʼ li tzolom teʼxchʼik saʼ xkʼaʼuxebʼ ut saʼebʼ li raanm naabʼal chik li naʼlebʼ ut inkʼaʼ kaʼajwiʼ li xeʼxtzol chaq saʼ xtiklajik (Heb. 5:12–6:1). Ut re naq teʼruuq chi tzolok, aajel ru naq teʼxkʼe xqʼe chi xbʼaanunkil, teʼxjunaji li ak nekeʼxnaw rikʼin li toj teʼxtzol ut chirix chik aʼan teʼxyuʼami (Prov. 2:1-6). Re xtawbʼal xsumenkil ebʼ li patzʼom chirix li Santil Hu, ebʼ li tzolom tento teʼxtzol xtzʼilbʼal rix xjunesebʼ. Wi nekeʼxkʼe xchʼool chi xyuʼaminkil li yookebʼ xtzolbʼal, aʼan ttenqʼanq rehebʼ chi xnumsinkil yalaq kʼaru chi aaleek li tchalq saʼ xbʼeenebʼ (Luc. 6:47, 48).