Ma ak yookat roksinkil li kʼanjelobʼaal JW Library?

Li kʼanjelobʼaal JW Library natawmank chi sibʼil ut nokooxtenqʼa chi xkubʼsinkil li Santil Hu ut jalan chik ebʼ li tasal hu, ebʼ li bʼideo ut rabʼinkil ebʼ li xyaabʼ kuxej saʼ li selular, tabʼleet malaj saʼ li ulul chʼiichʼ.

CHANRU NATAWMANK? Xbʼeenwa tat-oq saʼ Internet, chirix chik aʼan taakubʼsi ut taakʼe saʼ li selular. Li JW Library nakʼanjelak saʼebʼ li jalan jalanq chi aatinobʼaal chʼiichʼ. Naq yooqat roksinkil li Internet, taaloch JW Library ut taasikʼ kʼaru nakaawaj xkubʼsinkil. Ut wi maakʼaʼ Internet saʼ laaselular, naru nakaawoksi li wank saʼ li Chʼutlebʼaal Kabʼl, saʼ parke malaj saʼ junaq chik li naʼaj bʼarwiʼ wank Internet. Naq ak xaakubʼsi li nakaawaj, moko aajel ta chik ru naq wanq Internet re rilbʼal. Saʼ xkʼabʼaʼ naq yooq chi elk li akʼ naʼlebʼ, t-ajmanq naq taakubʼsi ajwiʼ li toj akʼ.

KʼAʼUT US NAQ WANQ QIKʼIN? JW Library nakʼanjelak re xtzolbʼal qibʼ chirix li Santil Hu ut re roksinkil saʼ li qachʼutam. Nakʼanjelak ajwiʼ saʼ li puktesink, joʼ ajwiʼ naq tixkʼe ribʼ chiqu.