«Kawaq aachʼool rikʼin li Qaawaʼ [Jehobʼa] ut bʼaanu li us»

«Maakaqali ebʼ li inkʼaʼ nekeʼxbʼaanu li tiikilal»

37:1, 2

• Maakanabʼ naq xsahilebʼ xchʼool li maaʼusebʼ xnaʼlebʼ tixbʼaanu naq taakanabʼ kʼanjelak chiru li Jehobʼa. Kʼe aachʼool chirix li xkʼanjel li Yos ut li osobʼtesink li taawaj xtawbʼal.

«Kawaq aachʼool rikʼin li Qaawaʼ [Jehobʼa] ut bʼaanu li us»

37:3

• Wanq saʼ laachʼool naq li Jehobʼa t-iloq aawe naq yooq aakʼaʼuxl malaj naq tchʼinaaq laachʼool. Aʼan tatxtenqʼa re naq inkʼaʼ taakanabʼ kʼanjelak chiru.

• Junelik taapuktesi li chaabʼil esilal chirix li Xʼawabʼejilal li Yos.

«Chiwanq xsahil aachʼool rikʼin li Qaawaʼ [Jehobʼa]»

37:4

• Kʼe aahoonal chi rilbʼal li Raatin li Yos ut chi xkʼoxlankil li nakaatzol chisaʼ re naq taanaw ru chiʼus li Jehobʼa.

«Chaqʼaxtesi aawibʼ rubʼel roq rubʼel ruqʼ li Qaawaʼ [Jehobʼa]»

37:5, 6

• Chiwanq saʼ laachʼool naq li Jehobʼa tatxtenqʼa chi xnumsinkil yalaq kʼaru li chʼaʼajkilal.

• Chaabʼilaq laanaʼlebʼ naq teʼyoobʼanq aatin chaawix, naq xikʼ tateʼril malaj naq tateʼxrahobʼtesi.

Maakʼaʼ taaye ut «chiwanq aawoybʼenihom rikʼin [li Jehobʼa]»

37:7-9

• Matnaʼlebʼak saʼ josqʼil xbʼaan naq aʼin naru naxmaqʼ xsahil aachʼool ut tixsach laawanjik chiru li Jehobʼa.

«Ebʼ li nebʼaʼ teʼreechani li chaabʼil naʼajej [Ruuchichʼochʼ, TNM]»

37:10, 11

• Yuʼami li tuulanil ut li qʼunil chʼoolej, ut chi wanq saʼ laachʼool naq li Jehobʼa tatxkol chiru yalaq kʼaru li chʼaʼajkilal li ttochʼoq aawe.

• Tenqʼahebʼ li hermaan ut kʼojobʼebʼ xchʼool li ra wankebʼ rikʼin xjultikankil rehebʼ naq nachʼ wank li akʼ Ruuchichʼochʼ li naxyeechiʼi li Yos.