Li Jehobʼa maajunwa naxtzʼeqtaana li naxyotʼ xchʼool

Laj David kixtzʼiibʼa li Salmo 51 naq ak kiqʼuseʼk xbʼaan laj Natan saʼ xkʼabʼaʼ naq kimaakobʼk rikʼin xBatseba. Moko sa ta chik kirekʼa ribʼ, kixkubʼsi xwankil ut kixye li xmaak (2Sa 12:1-14).

Usta laj David kimaakobʼk, kiruuk xkawresinkil wiʼ chik li xpaabʼal

51:3, 4, 8-12, 17

• Naq toj maajiʼ naxyotʼ xchʼool ut maajiʼ naxye li xmaak, li xchʼool yook chi qʼabʼank re ut ra chaq saʼ xchʼool.

• Inkʼaʼ chik sa saʼ xchʼool xbʼaan naq kixchʼina xchʼool li Yos, narekʼa naq chanchan tawiʼ pitzʼpo li xbʼaqel.

• Yook ratawankil naq tkuyeʼq xmaak, naq tkawuuq li xpaabʼal ut naq tixtaw wiʼ chik xsahil xchʼool.

• Kixtzʼaama re li Jehobʼa naq t-alaaq saʼ xchʼool abʼink chiru.

• Chʼolchʼo chiru naq li Jehobʼa tixkuy xmaak.