Xjalbʼal li qayuʼam nokooxtenqʼa chi xkʼebʼal xloqʼal li Yos

Saʼebʼ li qakutan saʼ junpaat naqakʼe xtzʼaqobʼ qakʼaʼuxl. Naqasach naabʼal qahoonal ut qametzʼew re xloqʼbʼal, xtojbʼal, roksinkil, rilbʼal ut xkolbʼal li kʼaru qe. Li Jesus moko kixsikʼ ta li bʼihomal re naq li kʼaru re inkʼaʼ tramoq chiru li kʼanjelak chiru li Yos (Mt 8:20).

Ut laaʼat? Ma tatruuq xjalbʼal laayuʼam re xkʼebʼal xtzʼaqobʼ laakʼanjel saʼ li puktesink? Maare junaq rehebʼ laajunkabʼal truuq chi kʼanjelak joʼ aj kʼamol bʼe saʼ li puktesink wi nekeekʼubʼ eeribʼ chiʼus. Usta ak wankat saʼ li kʼanjel aʼin, ma nakaakʼe reetal naq timil timil li kʼaru aawe naxchʼaʼajki laayuʼam? Wi nakaajal laayuʼam re xloqʼoninkil li Jehobʼa, taataw li sahil chʼoolejil (1Ti 6:7-9).

Tzʼiibʼa ebʼ li naʼlebʼ li tatxtenqʼa chi xjalbʼal laayuʼam.