Chanru xkʼebʼal jun li chaabʼil sumenk

Li chaabʼil sumenk naxkawresi li chʼuut (Ro 14:19). Nekeʼxtaw ajwiʼ rusilal li nekeʼkʼehok re (Pr 15:23, 28). Joʼkan naq, chootzʼaqonq usta jun sut ajwiʼ saʼ li junjunq chi chʼutam. Abʼan, moko junelik ta teʼxkʼe qahoonal re tzʼaqonk, joʼkan naq us xkʼubʼankil wiibʼ oxibʼ li sumenk.

Chanru nakʼutunk naq chaabʼil li sumenk?

• Naq inkʼaʼ chʼaʼaj, chʼolchʼo ru ut inkʼaʼ najt roq. Ut inkʼaʼ tixqʼax 30 kʼajkʼasal re xyeebʼal.

• Us wi tqaye rikʼin qaatin.

• Moko tqaye ta wiʼ chik li ak xyeemank.

Kʼaru tqabʼaanu wi laaʼo xbʼeenwa teʼxkʼe qahoonal chi sumenk?

• Moko naabʼal ta tqaye ut chʼolchʼo ru.

Kʼaru tqabʼaanu wi ak xeʼxsume li patzʼom?

• Qoksihaq jun raqal li Santil Hu li naxchap ribʼ rikʼin li yook chi tzolmank.

• Qayehaq chanru nakʼanjelak aʼin saʼ li qayuʼam.

• Qachʼolobʼaq chanru tqayuʼami li naʼlebʼ.

• Qoqsihaq jun li eetalil moko najt ta roq li naxkʼut rusilal li naʼlebʼ li yook chi tzolmank.