Li Santil Hu naxchʼolobʼ chanru li chaabʼil ixaqilbʼej

Saʼ Proverbios 31 wank jun li chaabʼil esil li kikʼeheʼk re laj Lemuel xbʼaan li xnaʼ. Li naʼlebʼ aʼin kitenqʼank re laj Lemuel chi xnawbʼal chanru tixtaw jun chaabʼil ixq.

Li chaabʼil ixaqilbʼej naxbʼaanu chixjunil li naʼajmank

31:10-12

• Naq nawank xkʼoxlankil junaq li nimla naʼlebʼ chirix li junkabʼal, li ixaqilbʼej naxye saʼ tuulanil li naxkʼoxla, ut inkʼaʼ naxkawresi saʼ re, re naq tbʼaanumanq li naxye.

• Chʼolchʼo chiru li bʼeelomej naq li rixaqil truuq xkʼoxlankil chiʼus kʼaru tbʼaanumanq ut inkʼaʼ naroybʼeni naq li rixaqil yal yooq xpatzʼbʼal xleseens re xbʼaanunkil li naʼajmank.

Li chaabʼil ixaqilbʼej nakʼanjelak chi kaw

31:13-27

• Sa saʼ xchʼool rikʼin li kʼaru re ut inkʼaʼ naxsachk li tumin chi maakʼaʼ rajbʼal re naq li xjunkabʼal junelik saq ru ut chaabʼil tbʼeeq, ut chʼolanbʼil chiʼus.

• Nakʼanjelak chi kaw ut naril li xjunkabʼal chi qʼeq ut chi kutan.

Li chaabʼil ixaqilbʼej naxkawresi xpaabʼal

31:30

• Naxloqʼoni li Yos ut naxkʼe xchʼool chi wank choʼq ramiiw.