Yook chi puktesimank li chaabʼil esilal saʼ Ghana.
Reetalil ebʼ li kʼutbʼesink
RESIL LI SANTIL HU
Patzʼom: Ma nakaakʼoxla naq twulaq xkutankil naq twanq li tuqtuukilal saʼ chixjunil li Ruuchichʼochʼ?
Santil Hu: Sl 72:7
Hu: Li Yos tixbʼaanu naq twanq li tuqtuukilal saʼ Ruuchichʼochʼ, ut kaʼajwiʼ teʼwanq aran li xeʼtzolok chirix. Li tasal hu aʼin ak xtenqʼa naabʼal li poyanam chi xtzolbʼal chanru li Yos. Ut saʼ xkʼabʼaʼ naq moko chʼaʼaj ta tzʼiibʼanbʼil, ninnaw naq tatxtenqʼa ajwiʼ laaʼat.
QAKʼUTAQ LI YAAL
Patzʼom: Joʼnimal chik naraj re naq tchalq li rosoʼjik?
Yaal: Li kixye chaq li Santil Hu naxkʼut naq ak wanko chik saʼ xqʼehil li rosoʼjik, abʼan chaabʼil esilal aʼin xbʼaan naq yook chaq chi nachʼok xsahilal ru ebʼ li kutan.
CHAAPAABʼ LI YOS RE NAQ TWANQ AAYUʼAM CHI JUNELIK
Patzʼom: [kʼut li perel 2 ut 3, ut patzʼ re]. Ma twulaq raj chaawu wank saʼ jun li naʼaj joʼ aʼin? [Kanabʼ naq tsumenq].
Santil Hu: Li Santil Hu naxye naq li Yos chi seebʼ tixchʼinaʼusa chixjunil li Ruuchichʼochʼ ut toowanq saʼ tuqtuukilal, bʼarwiʼ maakʼaʼaq li nebʼaʼil chi moko li yajel. Kʼaru tento tqabʼaanu re naq toowanq saʼ li naʼajej aʼin? [Taayaabʼasi li naʼlebʼ li wank saʼ li perel 3 li naxchʼolobʼ Isaias 55:3]. Arin naxye naq tento tqapaabʼ li naxye li Yos.
Hu: Abʼan, chanru tooruuq rabʼinkil wi inkʼaʼ naqil ru? [Sikʼ li perel 4 ut 5, ut tzʼil rochbʼen].
KʼOXLA UT TZʼIIBʼA JUNAQ LI KʼUTBʼESINK
Kʼam aawe rikʼin ebʼ li kʼutbʼesink li wank arin re xkʼoxlankil ut xtzʼiibʼankil junaq.