Laj Ezequias kiril chanru kimaataniik xbʼaan li xpaabʼal

Li awabʼej Senaquerib re Asiria kixtaqla Jerusalen laj Rabsaque chi xpatzʼbʼal li xtojlebʼ li tenamit. Ebʼ laj Asirio xeʼroksi jalan jalanq li naʼlebʼ re naq ebʼ laj Judiiy teʼxqʼaxtesi ribʼ chi inkʼaʼ teʼpleetiq.

• 

  Xeʼrisi ribʼ xjunes. Maakʼaʼ raj kiʼok wiʼ wi keʼxjunaji raj ribʼebʼ rikʼinebʼ laj Egipto (Isa 36:6).

• 

  Xeʼok xkʼaʼuxl. Li Jehobʼa inkʼaʼ raj kixkolebʼ xbʼaan naq yook xjosqʼil rikʼinebʼ (Isa 36:7, 10).

• 

  Xeʼsebʼesiik. Rikʼin maakʼaʼ raj xeʼruuk xqʼaxbʼal ru ebʼ li xnimal ru aj puubʼ re Asiria (Isa 36:8, 9).

• 

  Xeʼaaleek. Wi xeʼxqʼaxtesi raj ribʼ saʼ ruqʼebʼ laj Asirio, kiʼusaak raj xyuʼamebʼ (Isa 36:16, 17).

Laj Ezequias junelik kaw chaq xpaabʼal rikʼin li Jehobʼa

37:1, 2, 14-20, 36

• Kixbʼaanu chixjunil li kiwank saʼ ruqʼ re xkawresinkil li tenamit naq teʼsuteʼq.

• Kitijok chiru li Jehobʼa re naq teʼkoleʼq ut xkawresi wiʼ chik xpaabʼal li tenamit chirix li Jehobʼa.

• Kiril chanru kimaataniik xbʼaan li xpaabʼal naq li Jehobʼa kixtaqla chaq jun li anjel chi xkamsinkil 185.000 aj puubʼ re Asiria chiru jun qʼoqyink ajwiʼ.