Li «akʼ choxa» ut li «akʼ ruuchichʼochʼ» nakʼehok sahil chʼoolejil

Li osobʼtesink li naxyeechiʼi li Yos saʼ Isaias 65 jwal yaal ut naq li Jehobʼa naʼaatinak chirix aʼin chanchan tawiʼ ak xkʼulmank.

Li Jehobʼa tixyiibʼ jun «akʼ choxa ut jun akʼ ruuchichʼochʼ», bʼarwiʼ maajoqʼe chik tjultikamanq li xkʼulmank

65:17

Kʼaru li «akʼ choxa»?

• Jun akʼil awabʼejilal li tixkʼam chaq li tiikilal saʼ Ruuchichʼochʼ.

• Kiʼok chi kʼanjelak saʼ li chihabʼ 1914, naq li Kriist kikʼeheʼk choʼq Awabʼej saʼ li Xnimajwal Awabʼejilal li Yos.

Kʼaru li «akʼ ruuchichʼochʼ»?

• Aʼan jun chʼuut chi poyanam re chixjunil ebʼ li tenamit, aatinobʼaal ut kʼalebʼaal li nekeʼraj wank rubʼel li akʼil awabʼejilal li wank saʼ choxa.

Kʼaʼut nayeemank naq maajoqʼe chik tjultikamanq li xkʼulmank?

• Chixjunil li chʼaʼajkilal li nachalk saʼ li qachʼool joʼ xrahilal li qajunxaqalil, li qakʼaʼuxl malaj li qachʼool, maajoqʼe chik tkʼulmanq.

• Ebʼ li poyanam li tiikebʼ xchʼool chiru li Yos teʼxtaw li sahilal saʼebʼ li xyuʼam, ut inkʼaʼ tnumeʼq junaq li kutan chi inkʼaʼ ta teʼxjultika junaq li akʼ ut chaabʼil naʼlebʼ.