XCHAQʼALIL RU LI RAATIN LI YOS | JEREMIAS 51, 52
Li raatin li Jehobʼa natzʼaqlok ru chi tzʼaqal re ru
Li Jehobʼa kixye chaq chi tzʼaqal li tkʼulmanq saʼ li kutan chaalel.
Aj kutul simaj, Persa, laj kʼanjel saʼ rochoch li awabʼej
«Qʼesnaaq ruʼuj leesimaj»
51:11, 28
Ebʼ laj Medo ut ebʼ laj Persa nekeʼxnaw chiʼus kutuk rikʼin simaj, ut li simaj aʼan li xpuubʼebʼ. Nekeʼxqʼesna chaq ruʼuj li simaj re naq sa t-oq.
«Ebʼ laj puubʼ aj Babilonia xeʼxkanabʼ li yalok»
51:30
Joʼ naxye saʼ li xperpokil pek laj Nabonido, «ebʼ laj puubʼ li naxjolomi laj Ciro keʼok Babilonia ut inkʼaʼ keʼyalok u». Ebʼ li aatin aʼin naxchap ribʼ rikʼin li kixye chaq laj Jeremias.
Li xperpokil pek laj Nabonido
«Li tenamit aʼan taakanaaq joʼ jun tuubʼ chi pek [...] joxkʼ taakanabʼ li naʼajej aʼin chi junwaakaj»
51:37, 62
Chalen chaq 539 t.m.n.c.1, Babilonia kiʼok chi tʼaneʼk ut li xwankil kisachk. Laj Alejandro Magno kiraj naq li tenamit Babilonia tkanaaq choʼq xjolomil li xtenamit, abʼan xkamk saʼ junpaat. Saʼ xkutankilebʼ li Apostol toj wank chaq jun li chʼina naʼaj bʼarwiʼ wankebʼ aj Judiiy aran Babilonia, ut li Apostol Pedro xwulak rulaʼaninkilebʼ. Abʼanan, chiru li kaahibʼ siʼeent chihabʼ, li tenamit maakʼaʼ chik rusilal ut xʼosoʼk.