Li Jesus naru xwaklesinkil chi yoʼyo ebʼ li qakomon ut ebʼ li qamiiw

Rekʼankil xrahil qachʼool naq tkamq junaq li qakomon inkʼaʼ naraj xyeebʼal naq inkʼaʼ naqapaabʼ naq twakliiq wiʼ chik (Ge 23:2).
Saʼ li Santil Hu naqataw resil ebʼ li poyanam li ak xeʼwakliik wiʼ chik. Xkʼebʼal qachʼool chi xkʼoxlankilebʼ tixkawresi li qapaabʼal chirix li wakliik wiʼ chik chi yoʼyo.

Ani nakaawaj rilbʼal ru wiʼ chik naq twanq li wakliik chi yoʼyo?

Chanru nakaakʼoxla naq teʼxkʼul wiʼ chik ribʼebʼ?