XCHAQʼALIL RU LI RAATIN LI YOS | HECHOS 1-3
Nakʼemank li santil musiqʼej saʼ xbʼeenebʼ laj paabʼanel
Naabʼal rehebʼ laj Judiiy li wankebʼ chaq Jerusalen chiru li Pentecostes re li chihabʼ 33 keʼchalk saʼ jalan chik tenamit (Hch 2:9-11). Usta keʼxyuʼami li Xchaqʼrabʼ laj Moises, maare junelik keʼwank saʼ jalan chik tenamit (Jer 44:1). Joʼkan naq, saʼ xkʼabʼaʼ naq jalan nekeʼaatinak ut nekeʼilok, maare chanchanebʼ li poyanam re jalan chik tenamit ut maawaʼ joʼebʼ laj Judiiy. Naq keʼxsubʼ ribʼ saʼ haʼ oxibʼ mil tana ebʼ li poyanam li nekeʼchalk saʼ jalan chik tenamit, jalan jalanq xyuʼamebʼ li wankebʼ saʼ li chʼuut. Usta joʼkan, chixjunilebʼ «nekeʼxkʼe xchʼool chi xik saʼ rochoch li Yos wulaj wulaj, chi junajebʼ xchʼool» (Hch 2:46, SBG).
Chanru tatruuq xkʼutbʼesinkil naq nakaakʼe aachʼool chirixebʼ...
... li jalanebʼ xtenamit li wankebʼ saʼ laateep?
... li hermaan li jalanebʼ xtenamit li wankebʼ saʼ laachʼuut?