Li Yos inkʼaʼ nasach saʼ xchʼool li qachaabʼil bʼaanuhom

Naq naqaloqʼoni li Jehobʼa, chiqajunilo nokooruuk xbʼaanunkil ebʼ li chaabʼil kʼanjel li teʼxjultika ebʼ li junchʼol. Joʼ jun li chaabʼil yuwaʼbʼej li naxjultika li nekeʼxbʼaanu ebʼ li ralal, li Jehobʼa naxjultika ajwiʼ li chaabʼil kʼanjel ut li rahok li xqakʼutbʼesi saʼ xkʼabʼaʼ aʼan (Mt 6:20; Heb 6:10). Yaal naq, jalan jalanq li qawanjik ut li qaseebʼal. Abʼanan, wi naqabʼaanu li naxkʼe ribʼ chiqu re kʼanjelak chiru li Jehobʼa, sahaq saʼ qachʼool (Gal 6:4; Col 3:23). Saʼ xnumikebʼ li chihabʼ, chi mil li hermaan xeʼkʼanjelak saʼ Betel. Ma t-alaaq ajwiʼ saʼ qachʼool xbʼaanunkil aʼin? Wi inkʼaʼ nokooruuk xbʼaanunkil, ma tooruuq xwaklesinkil xchʼool jalan chik re naq tixbʼaanu aʼin malaj tooruuq xtenqʼankil junaq li qakomon re naq inkʼaʼ tixkanabʼ kʼanjelak chiru li Jehobʼa saʼ Betel?

NAQ AK XAAWIL LI BʼIDEO KʼARU TAABʼAANU RE NAQ TATKʼANJELAQ SAʼ BETEL?, TAASUME EBʼ LI PATZʼOM AʼIN:

• Kʼaru raj t-ekʼasinq qe chi kʼanjelak saʼ Betel?

• Kʼaru nekeʼxye wiibʼ oxibʼ li hermaan chirix li osobʼtesihom li nekeʼxkʼul naq nekeʼkʼanjelak saʼ Betel?

• Kʼaru napatzʼmank rehebʼ li teʼraj kʼanjelak saʼ Betel?

• Ani aj e napatzʼmank naq junaq naraj kʼanjelak saʼ Betel?