Meekanabʼ xkʼoxlankil rix chixjunil aʼin

Kʼaru tqakʼoxla rix? Saʼ Filipenses 4:8 naxye naq tqakʼoxla rix chixjunil li yaal, li kʼulubʼej, li tiikilal, li loqʼal, li rahok, li chaabʼilal ut chixjunil li xkʼulubʼ nimaak ru. Aʼin moko naraj ta xyeebʼal naq junelik yooqo xkʼoxlankil rix junaq li naʼlebʼ chirix li Santil Hu. Abʼanan, tento tqakʼoxla rix li nawulak chiru li Jehobʼa ut maawaʼ li naʼlebʼ li inkʼaʼ tooxtenqʼa chi wank chixkʼatq (Sl 19:15).

Chʼaʼaj xtzʼeqtaanankil li yiibʼru aj kʼaʼuxl. Tento tqakʼe qaqʼe xbʼaan naq laaʼo aj maak ut tqakol ajwiʼ qibʼ chiru laj Tza, li xyosil li ruuchichʼochʼ aʼin (2Co 4:4). Saʼ xkʼabʼaʼ naq saʼ ruqʼ wank li ruuchichʼochʼ, li xkʼihalil li nakʼutunk saʼ li television, saʼ Internet, saʼebʼ li tasal hu malaj li naʼabʼimank saʼ li raay moko naxchap ta ribʼ rikʼin li xnaʼlebʼ li Jehobʼa. Tento tqasikʼ ru chiʼus li tqachʼik saʼ li qakʼaʼuxl, xbʼaan naq aʼin wanq xwankil saʼ xbʼeen li tqakʼoxla ut moqon chik, li tqabʼaanu (Snt 1:14, 15).

NAQ AK XAAWIL LI BʼIDEO QATZʼEQTAANAQ EBʼ LI NAʼLEBʼ LI INKʼAʼ TOOXTENQʼA CHI WANK CHIXKʼATQ LI JEHOBʼA: LI AJSIBʼAAL U LI INKʼAʼ US, TAASUME EBʼ LI PATZʼOM AʼIN:

• 

  Kʼaru naril chaq li hermaan saʼ li xselular, ut kʼaru kixkʼul?

• 

  Chanru kitenqʼaak xbʼaan li naxye Galatas 6:7, 8 ut Salmo 119:37?