QAYUʼAM JOʼ AJ PAABʼANEL
Weent taabʼaanu rikʼin xjekʼinkil li bʼalaqʼil esil
Saʼebʼ li qakutan chi miyon ebʼ li qas qiitzʼin saʼ junpaat nekeʼxkʼul li esil xbʼaan naq wank li preens, li raay, li televisión malaj li Internet. Ebʼ li nekeʼloqʼonink re li tzʼaqal Yos inkʼaʼ raj teʼxseeraqʼi li yoobʼanbʼil aatin chi moko nekeʼxkʼoxla xbʼaanunkil (Sl 31:6; Éx 23:1). Li seeraqʼinbʼil aatin naru naxkʼe saʼ chʼaʼajkilal jalan chik. Re xnawbʼal ma yaal li kiyeemank, kʼoxla aʼin:
Ma paabʼajel li kiyehok re? Li qas qiitzʼin aʼin maare inkʼaʼ naxnaw chixjunil. Naq naseeraqʼimank aʼin nakʼemank roq ruqʼ. Joʼkan naq weent tqabʼaanu wi inkʼaʼ naqanaw bʼar chalenaq li esil. Naʼoybʼenimank naq li xaqabʼanbʼilebʼ chi xbʼeresinkil li chʼuut teʼxye li yaal, joʼkan naq weent teʼxbʼaanu rikʼin xyeebʼal junaq li esil wi inkʼaʼ chʼolchʼo chiruhebʼ.
Ma tixtzʼajni xkʼabʼaʼ junaq li poyanam? Wi joʼkan, maaye chik (Pr 18:8; Flp 4:8).
Ma paabʼajel? Weent taabʼaanu rikʼin li esil malaj li xaawabʼi li kikʼemank roq ruqʼ.
NAQ AK XAAWIL LI BʼIDEO KANABʼ MOLOK AATIN!, TAASUME EBʼ LI PATZʼOM AʼIN:
Joʼ naxye Proverbios 12:18, kʼaru naru tixbʼaanu li qaatin?
Chanru nokooxtenqʼa Filipenses 2:4 chirix kʼaru tqaye rehebʼ li junchʼol?
Kʼaru tqabʼaanu naq teʼoq chi aatinak chirix xjolom malaj xseʼenkil junaq li qas qiitzʼin?
Kʼaru ebʼ li patzʼom tqakʼoxla rix naq ok qe chi aatinak chirix junaq li poyanam?