Qakʼehaq re li Jehobʼa li jwal chaabʼil

5:5-7, 11

Chixjunilebʼ laj Israel keʼruuk wank wiʼ chik saʼ usilal rikʼin li Jehobʼa usta nebʼaʼebʼ. Li qʼaxal nebʼaʼebʼ keʼruuk xyeechiʼinkil li mayej li nawulak chiru li Jehobʼa wi teʼxkʼe re li jwal chaabʼil. Keʼruuk xkʼebʼal li kʼaj triiw abʼan tento raj teʼroksi «li kʼaj li chaabʼil» li nekeʼxkʼe rehebʼ li ulaʼ (Gé 18:6, Li Santil Hu, Wycliffe Bible Translators). Usta maare inkʼaʼ tooruuq xkʼebʼal naabʼal re li Jehobʼa, abʼan naxkʼulubʼa naq naqakʼe re li jwal chaabʼil (Heb 13:15).

Kʼaʼut naxkawresi qachʼool aʼin wi yajo malaj maakʼaʼ chik qametzʼew?