Kol laasumlajik

Oxloqʼ chiru li Jehobʼa ebʼ li aatin li nayeechiʼimank saʼ xkutankil li sumlajik ut naxye naq li nekeʼsumlaak inkʼaʼ teʼxkanabʼ ribʼ (Mt 19:5, 6). Saʼ xtenamit li Jehobʼa naabʼal li sumsukebʼ sahebʼ saʼ xchʼool. Abʼan moko wank ta jun li sumlajik li tzʼaqal re ru, junelik twanq li chʼaʼajkilal. Miqakʼoxla naq tqatuqubʼ ru li qachʼaʼajkilal wi naqakanabʼ malaj naqajach qibʼ. Chanru teʼxkol li xsumlajik ebʼ laj paabʼanel?

Qilaq oobʼ li naʼlebʼ.

1. Kol laachʼool rikʼin xtzʼeqtaanankil li tzʼiʼbʼeetalil naʼlebʼ ut mixik aachʼool chirix jalan chik. Chi joʼkan taakawresi laasumlajik (Mt 5:28; 2Pe 2:14).

2. Maakanabʼ wank choʼq ramiiw li Jehobʼa ut kʼe aaqʼe re naq laasumlajik tixsahobʼresi xchʼool li Jehobʼa (Sl 97:10).

3. Maakanabʼ xʼakʼobʼresinkil laanaʼlebʼ ut kʼutbʼesi naq nakaara laasumʼaatin re naq sahaq saʼ leechʼool (Col 3:8-10, 12-14).

4. Junelik chexseeraqʼik ut cheeroxloqʼi eeribʼ (Col 4:6).

5. Cheekʼutbʼesi li rahok ut li qʼunil chʼoolej naq wankex saʼ wiibʼal (1Co 7:3, 4; 10:24).

Naq nekeeroxloqʼi leesumlajik, nekeeroxloqʼi ajwiʼ li Jehobʼa xbʼaan naq aʼan kixaqabʼank re.

NAQ AK XAAWIL LI BʼIDEO TENTO WANQ QAKUYUM RE AANILAK: QABʼAANUHAQ JOʼ YEEBʼIL QE NAQ TOOʼAANILAQ, TAASUME EBʼ LI PATZʼOM AʼIN:

• 

  Kʼaru li chʼaʼajkilal naru nekeʼxtaw li sumsukebʼ usta chaabʼil keʼxtikibʼ chaq?

• 

  Chanru nakʼanjelak li Santil Hu naq li sumsukebʼ nekeʼxkʼoxla naq inkʼaʼ chik nekeʼxra ribʼ?

• 

  Kʼaru li naʼlebʼ naxkʼe li Jehobʼa choʼq re li sumsukebʼ?

• Kʼaru teʼxbʼaanu li bʼeelomej ut li ixaqilbʼej re naq sahaqebʼ saʼ xchʼool?