Ebʼ li nimla chʼutam re oxibʼ kutan nokoorekʼasi chi rahok

Kʼaʼut nawulak chiqu ebʼ li nimla chʼutam re oxibʼ kutan? Xbʼaan naq aran naqaloqʼoni ru li Jehobʼa rochbʼenebʼ naabʼal li qechpaabʼanel joʼ keʼxbʼaanu chaq ebʼ laj Israel. Nekeʼxkawresi li qapaabʼal ut nokooruuk ajwiʼ wank rikʼinebʼ li qakomon ut li qamiiw. Naqakʼe qachʼool chi wank chiru li oxibʼ kutan xbʼaan naq oxloqʼ chiqu ebʼ li ninqʼe aʼin.

Abʼan moko kaʼaj tawiʼ tqakʼoxla kʼaru teʼxkʼe qe, tqakʼutbʼesi ajwiʼ naq naqarahebʼ li junchʼol (Gál 6:10; Heb 10:24, 25). Naqakʼutbʼesi aʼin naq kaʼajwiʼ naqaxok li naʼaj li tqoksi ut naqatenqʼahebʼ li junchʼol (Flp 2:3, 4). Tqatawebʼ ajwiʼ li qamiiw, us raj naq tooʼaatinaq rikʼin jun li hermaan li inkʼaʼ naqanaw ru. Naru naqabʼaanu aʼin naq toj maajiʼ natiklaak malaj ak xraqeʼk li chʼutam malaj saʼ xhoonal li waʼak (2Co 6:13). Naru toowanq saʼ amiiwil chi junelik ut naq ebʼ li junchʼol teʼril naq tzʼaqal yaal naqara qibʼ, maare teʼraj kʼanjelak chiru li Jehobʼa (Jn 13:35).

NAQ AK XAAWIL LI BʼIDEO EBʼ LI NIMLA CHʼUTAM BʼARWIʼ NEKEʼTZʼAQONK NAABʼAL LI TENAMIT «LI RAHOK MAAJOQʼE NAʼOSOʼK», TAASUME EBʼ LI PATZʼOM AʼIN:

• 

  Kʼaru xeʼxbʼaanu ebʼ li hermaan re xkʼutbʼesinkil naq nekeʼxrahebʼ li xeʼwulak saʼebʼ li nimla chʼutam 2019 bʼarwiʼ nekeʼtzʼaqonk naabʼal li tenamit?

• 

  Kʼaʼut naq nawulak chiruhebʼ li kristiʼaan rilbʼal naq naqara qibʼ ut wanko saʼ junajil?

• 

  Kʼaru xeʼxkʼut chirix li rahok ebʼ li Nekeʼjolomink re Xmolam li Jehobʼa?

• 

  Chanru kiʼelk chiʼubʼej li rahok saʼ li tenamit Alemania ut Corea del Sur?

• Kʼaru maajunwa tqakanabʼ xbʼaanunkil?