QAYUʼAM JOʼ AJ PAABʼANEL
Qilaq ebʼ li cheekel ixq joʼ naʼbʼej ut ebʼ li saaj joʼ anabʼej
Li Santil Hu naxye naq tento tqil ebʼ li cheek joʼ qanaʼ qayuwaʼ ut ebʼ li saaj joʼ qas ut qiitzʼin (taayaabʼasi 1 Timoteo 5:1, 2). Ut li qʼaxal wank xwankil: ebʼ li winq tento naq teʼraatina saʼ tuulanil ut teʼroxloqʼi ru ebʼ li rechpaabʼanel ixq.
Jun li hermaan winq maajunwa raj tixyal xpaybʼal junaq li hermaan ixq yal re bʼatzʼunk chi moko tixbʼaanu naq inkʼaʼ sa trekʼa ribʼ (Job 31:1). Ut junaq li hermaan winq li wank xjunes, maajunwa raj tixbʼaanu naq junaq li hermaan ixq tixkʼoxla naq xkoho xchʼool chirix wi moko yaal ta.
Ebʼ li cheekel winq tento naq teʼxkʼe xchʼool chi rabʼinkil ebʼ li hermaan ixq naq nekeʼxbʼaanu junaq li patzʼom malaj naq nekeʼraj naq ttuqubʼaaq ru junaq li chʼaʼajkilal. Ut qʼaxal chik nekeʼxkʼe xchʼool chirixebʼ li hermaan ixq li maakʼaʼebʼ xbʼeelom li ttenqʼanq rehebʼ (Rut 2:8, 9).
NAQ AK XAAWIL LI BʼIDEO QAKʼUTBʼESIHAQ SAʼ LI CHʼUUT LI RAHOK LI MAAJOQʼE NAʼOSOʼK: EBʼ LI MALKAʼAN UT LI MAAKʼAʼEBʼ CHIK XNAʼ XYUWAʼ, TAASUME EBʼ LI PATZʼOM AʼIN:
Chanru xeʼxkʼutbʼesi ebʼ li hermaan naq qʼaxal nekeʼxra li hermaan Myint?
Chanru kikʼanjelak li rahok li kixkʼutbʼesi li chʼuut re naq us teʼaatinaq ebʼ li echkabʼal?
Chanru kikʼanjelak li rahok li kixkʼutbʼesi li chʼuut chiruhebʼ li xkoʼ li hermaan Myint?
Chanru taakʼutbʼesi naq nakaakʼe aachʼool chirixebʼ li hermaan ixq li wankebʼ saʼ laachʼuut?