QATZOLAQ CHANRU TOOKʼUTUQ CHIʼUS | TAW XKOMON XSAHIL AACHʼOOL SAʼ LI XKʼANJEL LI YOS
Tenqʼa ebʼ laatzolom re naq teʼwulaq saʼebʼ li chʼutam
Ebʼ li qachʼutam nakʼanjelak re xloqʼoninkil ru li Jehobʼa (Sl 22:23). Chixjunilebʼ li nekeʼxchʼutubʼ ribʼ re xloqʼoninkil li Jehobʼa jwal sahebʼ saʼ xchʼool ut naabʼal li osobʼtesihom nekeʼxkʼul (Sl 65:5). Ebʼ li nekeʼxtzol li Santil Hu, saʼ junpaat nekeʼkʼiik saʼ li xpaabʼal wi rajlal nekeʼwulak saʼebʼ li chʼutam.
Chanru tatruuq xtenqʼankil ebʼ laatzolom re naq teʼwulaq saʼebʼ li chʼutam? Maakanabʼ xbʼoqbʼalebʼ. Kʼut chiruhebʼ li bʼideo Kʼaru nabʼaanumank saʼebʼ li Chʼutlebʼaal Kabʼl rehebʼ laj Testiiw? ut taachʼolobʼ chiruhebʼ kʼaru rusilal teʼxtaw wi teʼwulaq (lff tzolom 10). Naru taaseeraqʼi rehebʼ junaq li naʼlebʼ li xaatzol saʼebʼ li chʼutam malaj taaye kʼaru tqatzol saʼ li jun chik chʼutam. Naru taakʼe rehebʼ li tasal hu li t-oksimanq malaj kʼut chiruhebʼ li wank saʼ JW Library® bʼarwiʼ naxye «Reuniones». Naru ajwiʼ taabʼaanu junaq li naʼlebʼ re xtenqʼankilebʼ, joʼ xkʼambʼalebʼ saʼ li chʼutam. Naq laatzolom twulaq xbʼeen sut saʼ li chʼutam, taakʼe reetal naq wank rusilal chixjunil li xaabʼaanu re xtenqʼankil (1Co 14:24, 25, SBG).
NAQ AK XAAWIL LI BʼIDEO QATENQʼAQEBʼ LI QATZOLOM RE NAQ TEʼWULAQ SAʼEBʼ LI CHʼUTAM, TAASUME EBʼ LI PATZʼOM AʼIN:
Kʼaru kiroksi li xRita re xbʼoqbʼal li xCoral saʼebʼ li chʼutam?
Kʼaʼut nasahoʼk saʼ qachʼool naq junaq li poyanam li naxtzol li Santil Hu nawulak saʼebʼ li chʼutam?
«Relik chi yaal li Yos wank saʼ eeyanq».
Chanru kirekʼa ribʼ li xCoral naq kiwulak xbʼeen sut saʼ li chʼutam?