Kʼaru naqatzol chirix li xyuʼam laj Samuel?

Laj Samuel junelik kiʼabʼink chiru li Jehobʼa. Naq kachʼin chaq moko kixkʼam ta re rikʼin laj Hofní ut laj Finehás, ebʼ li ralal laj Elí, li maaʼusebʼ chaq xnaʼlebʼ (1Sa 2:22-26). Laj Samuel yook chaq chi kʼiik ut natenqʼaak xbʼaan li Jehobʼa (1Sa 3:19). Ut naq kicheekobʼk, inkʼaʼ kixkanabʼ xpaabʼankil li Jehobʼa usta ebʼ li ralal xkʼajol moko joʼkan ta keʼxbʼaanu (1Sa 8:1-5).

Kʼaru naqatzol rikʼin laj Samuel? Chʼolchʼooq chiruhebʼ li saaj naq li Jehobʼa naxtaw ru ebʼ li chʼaʼajkilal li nekeʼxnumsi ut chanru nekeʼrekʼa ribʼ. Aʼan ttenqʼanq rehebʼ re naq kawaqebʼ xchʼool (Is 41:10, 13). Ebʼ li naʼbʼej yuwaʼbʼej li wankebʼ ralal xkʼajol li xeʼnajtoʼk rikʼin li Jehobʼa naru nekeʼxtaw xkʼojobʼankil xchʼool rikʼin li kixkʼul laj Samuel naq moko kiruuk ta xminbʼal ru ebʼ li ralal xkʼajol chi xpaabʼankil li naxpatzʼ li Yos. Laj Samuel kixkanabʼ chixjunil saʼ ruqʼ li Jehobʼa, junelik kixpaabʼ ut kixsahobʼresi xchʼool li xchoxahil Yuwaʼ. Maare li chaabʼil eetalil li nekeʼxkanabʼ li naʼbʼej yuwaʼbʼej tixbʼaanu naq ebʼ li ralal xkʼajol teʼsutqʼiiq chaq rikʼin li Jehobʼa.

NAQ AK XAAWIL LI BʼIDEO QATZOLAQ QANAʼLEBʼ RIKʼINEBʼ: LAJ SAMUEL, TAASUME EBʼ LI PATZʼOM AʼIN:

• 

  Chanru kixkʼutbʼesi li kawil chʼoolej laj Samuel naq kachʼin chaq?

• 

  Chanru kixkʼutbʼesi li kawil chʼoolej laj Danny?

• 

  Kʼaru chaabʼil eetalil kixkanabʼ laj Samuel naq ak cheek chik?

• 

  Kʼaru chaabʼil eetalil keʼxkanabʼ li xnaʼ xyuwaʼ laj Danny?