Okan joʼ aj kʼamolbʼe saʼ li puktesink

Xsikʼbʼal kʼaru chik tooruuq xbʼaanunkil saʼ li xkʼanjel li Yos nokooxtenqʼa chi roksinkil chiʼus li qahoonal ut li qametzʼew naq toj maajiʼ nachalk li rosoʼjik (1Co 9:26; Ef 5:15, 16). Naq teeloqʼoni li Yos joʼ junkabʼal naru teekʼoxla kʼaru chik li kʼanjel naru teebʼaanu saʼ li chihabʼ aʼin. Natiklaak saʼ 1 re septiembre toj 31 re agosto, ut naru xsikʼbʼal kʼaru chik li kʼanjel tooruuq xbʼaanunkil chiru li Yos. Saʼ li Xhuhil li qachʼutam aʼin, teetaw li naʼlebʼ li ttenqʼanq eere chi xsikʼbʼal kʼaru chik texruuq xbʼaanunkil naq ak xextijok chirix aʼin (Snt 1:5).

Ma naru nekeetenqʼa jun rehebʼ leekomon re naq twanq joʼ aj kʼamolbʼe saʼ li puktesink li naxbʼaanu 70 hoor? Ut, wi nakaakʼoxla naq inkʼaʼ tatruuq xkʼebʼal li hoor li ak xaqabʼanbʼil, naru nakat-aatinak rikʼin wiibʼ oxibʼ laj kʼamolbʼe li xeʼxkʼul li yookat xkʼulbʼal (Pr 15:22). Saʼ li loqʼonink joʼ junkabʼal naru nakat-aatinak rikʼin jun aj kʼamolbʼe saʼ li puktesink ut moqon taatzʼiibʼa chanru xbʼaanunkil. Abʼanan, wi ak xatwank joʼ aj kʼamolbʼe saʼ li puktesink, ma tatruuq wiʼ chik xbʼaanunkil? Maare anaqwan tatruuq xbʼaanunkil.

Ma truuq junaq rehebʼ laakomon wank joʼ aj kʼamolbʼe saʼ li puktesink li naxbʼaanu 30 malaj 50 hoor chiru jun malaj naabʼal po? Wi maakʼaʼ chik laakawilal naru nakatpuktesink bʼayaq rajlal kutan. Wi laakʼanjel malaj li tzolebʼaal naxlaatzʼa aawu, naru tatwanq joʼ aj kʼamolbʼe saʼ li puktesink chiru li po bʼarwiʼ nawank li hilobʼaal kutan malaj naq oobʼ xamaan naxkʼam chaq. Kʼe reetalil chiru junaq li almanaak bʼarwiʼ nakaawaj okenk chi xbʼaanunkil 30 malaj 50 hoor ut moqon taatzʼiibʼa jarubʼ hoor taakʼe saʼebʼ li kutan (Pr 21:5).

NAQ AK XAAWIL LI BʼIDEO KAWAQ EECHʼOOL, EX AJ KʼAMOLBʼE SAʼ LI PUKTESINK, TAASUME EBʼ LI PATZʼOM AʼIN:

• Chanru kiʼileʼk xbʼaan li Jehobʼa li hermaan Aamand? Kʼaru naqatzol chirix aʼin?