Ma nakaayal aaqʼe chi kʼanjelak chiru li Jehobʼa?

Laj David tento raj tixyiibʼ junaq li altar saʼ xchʼochʼ laj Arauna (2Sa 24:18).

Laj Arauna chaabʼil ut kiraj xkʼebʼal li chʼochʼ ut ebʼ li xul re naq teʼxmayeja (2Sa 24:21-23).

Laj David inkʼaʼ raj tixyeechiʼi junaq li mayej wi yal kisiheʼk raj re (2Sa 24:24, 25; it-1 174).

Ebʼ li jalam u chirix li nokooruuk xyeechiʼinkil re li Jehobʼa. 1. Jun chʼuut li hermaan nekeʼtenqʼank chi xkabʼlankil jun li Chʼutlebʼaal Kabʼl. 2. Jun li chʼina tiix naxkʼe li xtenqʼ saʼ li kaax. 3. Jun li sumal napuktesink rikʼin li kʼanjelobʼaal. 4. Jun chʼuut li hermaan nekeʼtenqʼank naq nakʼulmank jun li rahilal.

Li Jehobʼa qʼaxal nasahoʼk saʼ xchʼool naq naqakʼe chi anchal qachʼool li qahoonal, li qametzʼew ut li kʼaru wank qe choʼq re li Xʼawabʼejilal (w12 15/1 18 raqal 8). Kʼaru chik tatruuq xbʼaanunkil re naq chaabʼilaq laamayej chiru li Yos? (Heb 13:15).