Kawresinbʼilaqat naq wanqat rikʼin laj bʼanonel

Kʼaʼut kawresinbʼilaqo? Chiqajunilo naru naqakʼul junaq li rahilal ut tento naq tooxik saʼ li bʼanlebʼaal chi maakʼaʼ saʼ qachʼool. Naq toj maajiʼ nakʼulmank aʼin, tento tqoksi chiʼus li tenqʼ li wank saʼ quqʼ, wi naqaj naq us toobʼaneʼq. Wi naqabʼaanu aʼin, naqoxloqʼi li yuʼam ut li chaqʼrabʼ li naxkʼe li Jehobʼa chirix li kikʼ (Hch 15:28, 29).

Chanru tqakawresi qibʼ?

• Naq ak xaakʼoxla rix ut xattijok, nujtesi li tarjeta de instrucciones médicas (DPA).a Ebʼ li kubʼenaqebʼ chik xhaʼ naru nekeʼxpatzʼ li hu aʼin re li hermaan li xaqabʼanbʼil re xpatzʼbʼal ebʼ li tasal hu ut ebʼ li yuwaʼbʼej naru nekeʼxpatzʼ li Tarjeta de identidad (ic) choʼq rehebʼ li ralal xkʼajol li toj maakʼaʼebʼ xchihabʼ.

• Wi wankat saʼ yuʼam, patzʼ rehebʼ li cheekel winq li hu Información para mujeres embarazadas (S-401), aʼin tatxtenqʼa re xkʼoxlankil chiʼus li bʼaneʼk li taakʼul naq wanqat saʼ yuʼam ut naq tat-usaaq.

• Wi tatchoʼeʼq ut naʼajmank li kikʼ malaj tento tatkanaaq saʼ li bʼanlebʼaal, ye rehebʼ li cheekel winq ut ye rehebʼ laj bʼanonel naq nakaawaj naq tateʼrulaʼani junaq rehebʼ laj testiiw re li Jehobʼa.

Chanru nekeʼruuk tenqʼank ebʼ li cheekel winq? Naru nakateʼxtenqʼa re xnujtesinkil li hu DPA, abʼan inkʼaʼ teʼxye aawe kʼaru li bʼan taakʼul chi moko li nekeʼxkʼoxla chirix li taabʼaanu (Ro 14:12; Gál 6:5). Naq ak xaaye re li cheekel winq saʼ laachʼuut naq tatxik saʼ li bʼanlebʼaal ut maare twanq li chʼaʼajkilal rikʼin li kikʼ, aʼan tixbʼoq li chʼuut li naʼulaʼanink bʼanlebʼaal (CEH).

Chanru nokooʼeʼxtenqʼa li CEH? Ebʼ li hermaan aʼin kawresinbʼilebʼ re xtenqʼankilebʼ laj bʼanonel ut rikʼin li chaqʼrabʼ re xtawbʼal ru kʼaru naqakʼoxla chirix li kikʼ. Naru nekeʼxye rehebʼ laj bʼanonel junjunq li naʼlebʼ re naq inkʼaʼ teʼxkʼe li kikʼ saʼ laawichʼmul, ut wi aajel ru nekeʼxsikʼ junaq laj bʼanonel li truuq xbʼaanunkil aʼin.

NAQ AK XAAWIL LI BʼIDEO KʼARU TQABʼAANU RE NAQ OXLOQʼAQ CHIQU LI NAXYE LI JEHOBʼA CHIRIX LI KIKʼ?, TAASUME LI PATZʼOM AʼIN:

• Kʼaru ttenqʼanq aawe re naq kawresinbʼilaqat naq taakʼul junaq li rahilal bʼarwiʼ naʼajmank li kikʼ?

  Laasumenk