Laj David naxkʼe re laj Salomón ebʼ laj kʼanjel ut li t-ajmanq re naq tixyiibʼ li rochoch li Jehobʼa.

XCHAQ‘ALIL RU LI RAATIN LI YOS

Tenqʼahebʼ li saaj re naq us teʼelq saʼebʼ li xyuʼam

Laj David naxnaw naq rikʼin li xtenqʼ li Jehobʼa, laj Salomón truuq xkabʼlankil li rochoch li Yos (1Cr 22:5; w21.09 10 raqal 8).

Laj David kixye re laj Salomón naq tixkʼojobʼ xchʼool rikʼin li Jehobʼa ut naq t-oq chi kʼanjelak (1Cr 22:11-13).

Laj David kixtenqʼa laj Salomón (1Cr 22:14-16; lfb 104 raqal 3; chaawil li jalam u li wank chiru).

Ebʼ li jalam u: 1. Jun li cheekel winq naxkʼut chiru jun li saaj chanru rilbʼal ebʼ li teep. Li cheekel winq yook xkʼutbʼal chiru li reetalil li teep re li chʼuut, li xkʼabʼaʼebʼ li teep ut wiibʼ oxibʼ xhuhil li teep. 2. Li saaj aʼin naxtenqʼa jun chik li hermaan xtawbʼal ru xhuhil li teep.

KʼOXLA AʼIN: «Chanru tinruuq xtenqʼankilebʼ li saaj saʼ linchʼuut re naq us teʼelq ut sahaqebʼ saʼ xchʼool kʼanjelak chiru li Jehobʼa?» (w18.03 11, 12 raqal 14, 15).