QAYUʼAM JOʼ AJ PAABʼANEL

Qakʼutbʼesihaq li tzʼaqal rahok joʼ li Jehobʼa

Li Jehobʼa aʼan jun chaabʼil eetalil chirix xkʼutbʼesinkil li tzʼaqal rahok (Sl 103:11). Li rahok aʼin moko yal numel ta. Naraj bʼan xyeebʼal naq wank chi junelik. Naabʼal sut li Jehobʼa kixkʼutbʼesi li rahok aʼin choʼq rehebʼ laj Israel. Kirisihebʼ joʼ moos aran Egipto ut kixkʼamebʼ saʼ li Yeechiʼinbʼil Naʼajej (Sl 105:42-44). Kipleetik choʼq re li xtenamit ut rajlal kixkuyebʼ xmaak (Sl 107:19, 20). Naq naqatzʼil rix «li xnimal xrahom li Qaawaʼ» naqaj xkʼambʼal qe rikʼin (Sl 107:43, SBG).

Ebʼ li jalam u re li bʼideo «Qatzʼilaq chi anchal qachʼool li xnimal ru li xrahom li Jehobʼa». 1. Laj Ben ut jun chik li hermaan nekeʼrulaʼani li hermaan ixq. 2. Laj Ben wankebʼ saʼ tzʼalam rochbʼeen junchʼol ebʼ laj Testiiw ut nekeʼxkʼe xwa li jun chik li hermaan li yaj.

NAQ AK XAAWIL LI BʼIDEO QATZʼILAQ CHI ANCHAL QACHʼOOL LI XNIMAL RU LI XRAHOM LI JEHOBʼA, TAASUME LI PATZʼOM AʼIN:

Chanru tqakʼutbʼesi li tzʼaqal rahok?

Your answer
Kʼaʼut wank sut tento tqakʼe qahoonal re xkʼutbʼesinkil li tzʼaqal rahok?

Your answer