QAYUʼAM JOʼ AJ PAABʼANEL
Ebʼ li cheekel winq nekeʼxtenqʼa li xtenamit li Jehobʼa
Naabʼalebʼ li kristiʼaan inkʼaʼ sa nekeʼril li wankebʼ xwankil. Ut wank xyaalal kʼaʼut. Chalen chaq saʼ xtiklajik li Ruuchichʼochʼ li wankebʼ xwankil nekeʼnumtaak saʼ xbʼeenebʼ li junchʼol re naq us teʼelq (Miq 7:3). Jalan tzʼaqal li xtenamit li Yos! Li Jehobʼa naxkʼut chiruhebʼ li cheekel winq chanru teʼroksi li xwankilal re naq sa twanq li chʼuut (Est 10:3; Mt 20:25, 26).
Ebʼ li cheekel winq moko joʼebʼ ta li wankebʼ xwankil saʼ ruuchichʼochʼ. Li naʼekʼasink rehebʼ aʼan li rahom li nekeʼrekʼa chirix li Jehobʼa ut chirixebʼ li hermaan (Jn 21:16; 1Pe 5:1-3). Junelik nekeʼxkʼam re rikʼin li Jesús ut nekeʼxyal xqʼe chi xtenqʼankilebʼ li hermaan re naq sa teerekʼa ribʼebʼ saʼ xtenamit li Jehobʼa ut teʼwanq saʼ amiiwil rikʼin. Naq nakʼulmank junaq li rahilal ebʼ li cheekel winq junelik wankebʼ re xtenqʼankilebʼ li rechpaabʼanel. Wi naʼajmank naq tateʼxtenqʼa aatinan rikʼin jun rehebʼ li cheekel winq (Snt 5:13, 14).
NAQ AK XAAWIL LI BʼIDEO EBʼ LI CHEEKEL WINQ NEKEʼXCHʼOLAʼANI LI CHʼUUT, TAASUME EBʼ LI PATZʼOM AʼIN:
Kʼaru rusilal kixtaw li xMariana rikʼin li xtenqʼ li cheekel winq?
Kʼaru rusilal kixtaw laj Elías rikʼin li xtenqʼ li cheekel winq?
Naq ak xaawil li bʼideo, kʼaru nakaakʼoxla chirix li xkʼanjel li cheekel winq?