QAYUʼAM JOʼ AJ PAABʼANEL
Ex naʼbʼej yuwaʼbʼej, tenqʼahomaq leeralal eekʼajol re naq wanqebʼ xnaʼlebʼ
Jun li chaabʼil naʼlebʼ li ttenqʼanq aawe re naq laawalal aakʼajol teʼwanq xnaʼlebʼ chiru li Yos, aʼan xtenqʼankilebʼ re naq teʼxtaw rusilal li chʼutam. Li nekeʼrabʼi, li nekeʼril ut naq nekeʼtzʼaqonk saʼ li chʼutam, ttenqʼanq rehebʼ chi xnawbʼal ru li Jehobʼa ut teʼwanq choʼq ramiiw (Dt 31:12, 13). Abʼan, chanru tatruuq xtenqʼankil laawalal aakʼajol chi xtawbʼal rusilal li chʼutam?
Bʼaanu chixjunil li wank saʼ laawuqʼ re wulak saʼ li Chʼutlebʼaal Kabʼl (Sl 22:22).
Kʼe aachʼool re naq ebʼ laawalal aakʼajol teʼxnumsi li hoonal rikʼinebʼ li qechpaabʼanel naq toj maajiʼ malaj naq ak xraqeʼk li chʼutam (Heb 10:25).
Chaatenqʼa laajunkabʼal re naq teʼwanq rikʼin (saʼ hu malaj saʼ selular) ebʼ li tasal hu li natzolmank saʼ li chʼutam.
Tenqʼahebʼ laawalal aakʼajol re naq teʼxkawresi li xsumenk rikʼin li raatin (Mt 21:15, 16).
Chaabʼil tat-aatinaq chirix li chʼutam ut li nabʼaanumank aran.
Chaatenqʼahebʼ laawalal aakʼajol re naq teʼtzʼaqonq saʼ li saabʼesink li nabʼaanumank saʼ li Chʼutlebʼaal Kabʼl ut re naq teʼaatinaq rikʼinebʼ li hermaan li cheekebʼ chik.
Joʼ yuwaʼbʼej maare wank sut naʼok aakʼaʼuxl naq nakaakʼoxla chixjunil li naʼajmank re xtenqʼankil jun laawalal aakʼajol re naq tjiloq chixkʼatq li Jehobʼa. Abʼan chʼolchʼooq chaawu naq moko aajunes ta wankat, li Jehobʼa tatxtenqʼa (Is 40:29).
NAQ AK XAAWIL LI BʼIDEO EX NAʼBʼEJ YUWAʼBʼEJ, CHEEKʼOJOBʼ EECHʼOOL NAQ LI JEHOBʼA TIXKʼE EEMETZʼEW, TAASUME EBʼ LI PATZʼOM AʼIN:
Chanru li lubʼik yook xbʼaanunkil naq inkʼaʼ chik sa teʼrekʼa ribʼ laj Miguel ut li xLidia?
Kʼaʼut naq ebʼ li naʼbʼej yuwaʼbʼej tento teʼxtzʼaama re li Jehobʼa li xmetzʼew?
Kʼaru xbʼaanu laj Miguel ut li xLidia re naq teʼxkʼojobʼ xchʼool rikʼin li Jehobʼa?