Li xkʼulmank

Li rusilal li natawmank naq nakʼutbʼesimank li uxtaanank u rikʼin yalaq ani li kristiʼaan

Saʼ jun kutan jun li hermaan re Nueva Zelanda kiril li bʼideo Preocupémonos unos por otros, bʼarwiʼ naʼaatinak naq li Jehobʼa moko kaʼaj tawiʼ naʼuxtaanank u naxkʼutbʼesi bʼan (Is. 63:​7-9). Joʼkan naq kixkʼe xchʼool chirix kʼaru tixbʼaanu ut kixsikʼ ani tixtenqʼa. Saʼ li kutan ajwiʼ aʼan, kiʼelk chi loqʼok ut kiril jun li ixq li nawank saʼ li bʼe ut kixyeechiʼi ribʼ re xloqʼbʼal xtzekemq. Li ixq kixkʼulubʼa. Naq li hermaan kisutqʼiik rikʼin li tzekemq, kiraatina chirix li Santil Hu ut kiroksi li hu Ma twulaq xqʼehil naq tqakanabʼ xkʼulbʼal li rahilal?

Li ixq kiʼok chi yaabʼak. Kixye naq kikʼiik saʼ li yaal, abʼan naabʼal chihabʼ rubʼelaj kixkanabʼ li chʼuut. Abʼanan chiruhebʼ li kutan aʼan yook chi tijok chiru li Jehobʼa re naq ttenqʼanq chi sutqʼiik saʼ li chʼuut. Li hermaan kixkʼe re jun li Santil Hu ut xeʼkanaak naq teʼxtikibʼ xtzolbʼal.a

Joʼ li Jehobʼa, tooruuq xkʼutbʼesinkil li uxtaanank u chiruhebʼ li kristiʼaan, joʼebʼ li qakomon ut ebʼ li qahermaan saʼ li chʼuut. Naru ajwiʼ tqakʼutbʼesi li naʼlebʼ aʼin naq naqasikʼ jalan jalanq chi naʼlebʼ re xkʼebʼal li esil.